Asudžanaja na 11 hadoŭ kałonii žančyna dasłała pieršy za dva z pałovaj hady list. Pra heta paviedamlajecca ŭ instahramie Viktara Babaryki.
U liście Kaleśnikava ŭspaminaje dziacinstva i siamiejnyja padarožžy — u kožnym radku čuvać jaje śmiech, a kožny radok — jak vialikija ciopłyja abdymki.
Voś niekalki cytat:
«Ja asabliva časta dumaju pra toje, jak nam z Taniečkaj pašancavała być vašymi i maminymi dočkami. Z samaha naradžeńnia vy akružyli nas takoj luboŭju, pra jakuju tolki maryć možna! Vy padaryli nam z Taniečkaj adna adnu i navučyli nas lubić i siabravać.
Kožnuju ranicu hladžu ŭ ranišniaje, a viečaram — u zornaje nieba, uspaminaju vas i ŭsich mocna-mocna dumkach abdymaju! I zaŭsiody adčuvaju vašu luboŭ i kłopat, jakija mianie abaraniajuć i nadajuć upeŭnienaści, što my vytrymajem usio».
Čas našaj sustrečy niaŭmolna nabližajecca — i heta budzie samy ščaślivy dzień».
Paplečnicu Viktara Babaryki Maryju Kaleśnikavu zatrymali 6 vieraśnia 2020 hoda, praz hod jaje asudzili na 11 hadoŭ źniavoleńnia.
Pakarańnie jana adbyvaje ŭ Homielskaj kałonii. U listapadzie 2022 hoda Maryja trapiła ŭ reanimacyju Homielskaj balnicy z dyjahnazam «prabadnaja jazva». Paśla apieracyi joj dazvolili sustrecca z baćkam. Potym doŭhi čas Kaleśnikava była ŭ režymie inkamunikada, i tolki ŭ listapadzie 2024 hoda baćka znoŭ zmoh ź joj sustrecca
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu11
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary