Z 22 listapada ŭ Biełarusi pačnuć dziejničać novyja praviły vydačy kredytaŭ. Nacbank pryvioŭ instrukcyju ŭ adpaviednaść z Zakonam «Ab spažyvieckim kredycie i spažyvieckim mikrazajmie», pryniatym u lutym hetaha hoda. Asnoŭnaja dekłaravanaja meta źmienaŭ — lepšaja abarona hramadzian ad machlarskich schiem.
Pavodle novaj redakcyi dakumienta:
- bank abaviazany zaklučać kredytnuju damovu nie paźniej za nastupny pracoŭny dzień paśla zvarotu klijenta, a sam kredyt pavinien być vydadzieny na nastupny dzień paśla padpisańnia damovy;
- vyklučeńnie robicca tolki ŭ tych vypadkach, kali hrošy adrazu pieraličvajucca na rachunak pradaŭca;
- pry praviercy kredytnaj historyi buduć uličvacca nie tolki danyja ź jaje, ale i kolkaść zapytaŭ na praciahu apošnich 7 dzion;
- pierad padpisańniem damovy bank pavinien u piśmovaj formie papiaredzić klijenta pra mahčymyja schiemy machlarstva i sposaby ich paźbiehnuć.
Hetyja źmieny, jak padkreślivajuć u Nacbanku, pavinny pavysić prazrystaść i biaśpieku kredytnych adnosin dla fizičnych asob.
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat8
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1919
Kamientary