«Kali Izrail sydzie, budzie nadzvyčaj niebiaśpiečna». Tramp zapatrabavaŭ ad CHAMAS chutki adkaz nakont mirnaha płana
Amierykanski prezident pastaviŭ ultymatum — u bajevikoŭ jość «try-čatyry dni» na adkaz.
Hrupoŭka CHAMAS pavinna ŭ najbližejšyja dni vyrašyć, ci zhodna jana na płan Donalda Trampa i Bińjamina Nietańjachu pa vyzvaleńni zakładnikaŭ i spynieńni vajny ŭ Hazie.
Amierykanski prezident pastaviŭ ultymatum — u bajevikoŭ jość «try-čatyry dni» na adkaz. Kali ŭhoda sarviecca, izrailskaja armija praciahnie nastup, piša Bild.
U Izraili nie vyklučajuć, što CHAMAS farmalna zhadzicca, kab pakazać hatoŭnaść da kampramisu pierad Kataram i Turcyjaj, jakija padtrymali inicyjatyvu.
«Ale pytańnie ŭ tym, što adbudziecca dalej. Pakul nichto ŭ Izraili nie moža sabie ŭjavić, što CHAMAS sapraŭdy hatovy vyzvalić usich zakładnikaŭ u vyznačanyja terminy. Što tady ŭ ich zastaniecca?» — skazała Bild krynica ŭ Izraili.
U rukach bajevikoŭ zastajucca 48 zakładnikaŭ, ź ich prynamsi kala 20, pavodle danych uładaŭ, jašče žyvyja.
Situacyju ŭskładniaje toje, što sama hrupoŭka faktyčna abiezhałoŭlenaja: lidar Jachja Sinvar zabity, a ŭnutry Hazy niezrazumieła, chto prymaje rašeńni. Navat kali palityčnaje biuro ŭ Dosie zhadzicca, nieviadoma, ci maje jano ŭpłyŭ na bajevikoŭ u samym siektary.
«Chto razzbroić CHAMAS? Što budzie z bajevikami? Kudy jany pojduć? Turcyja — adziny realny kandydat, zdolny pryniać tysiačy bajevikoŭ. Ale ja skieptyčna staŭlusia da hatoŭnaści Erdahana pajści na heta. Kali Izrail sydzie, vakuum budzie nadzvyčaj niebiaśpiečnym. My viedajem heta pa Siryi, Livii, Iraku», — adznačyŭ u razmovie z Bild ekśpiert pa Blizkim Uschodzie Piter Nojman.
Sam Tramp, ličyć analityk, dziejničaje śmieła, ale impulsiŭna.
«Jon choča pakazać vynik da hadaviny ataki 7 kastryčnika. Kali pośpiechu nie budzie — jon stracić cikavaść», — padsumavaŭ Nojman.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu1
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary
Pad harancyi " azoŭ" skłał zbroju...i vyjšał ..Vyńnik viadomy
Čym Nietańjacha adroźnivajecca?? Usia historyja 77 hadovaha isnavańnia Izraila abviarhaje spadziavańnia illuzii na vykanańnie damoŭ..
Nahadaju Nietańjachu Izrail pradał svajmu kamradu VVPu Rf RŁS dźla źniščeńnia dronaŭ Ukrainy ...ab technałohii praz Azierbajdžan zabyliś
Kab " zahładzić" pad prymusam ZŠA padaravał))) stareńki " petryot" Ukrainie
Ab Petryocie usie kazali ab rłs ..cišynia hiešieft tolki hiešieft