Cichanoŭskaja biare ŭdzieł u samicie Jeŭrapiejskaj palityčnaj supolnaści
Siońnia Śviatłana Cichanoŭskaja biare ŭdzieł u Samicie Jeŭrapiejskaj palityčnaj supolnaści, jaki adbyvajecca z udziełam bolš čym 50 lidaraŭ i lidarak jeŭrapiejskich krainaŭ u Kapienhahienie.
Siarod udzielnikaŭ — prezident Francyi Emaniuel Makron, kancler Hiermanii Frydrych Mierc, prezident Ukrainy Uładzimir Zialenski, prezident Litvy Hitanas Naŭsieda, prezident Małdovy Maja Sandu, premjer Vialikabrytanii Kir Starmier, premjer Italii Džordža Miełoni, premjer Polščy Donald Tusk, kiraŭnik źniešniaj palityki ES Kaja Kałas, prezident Jeŭrakamisii Ursuła fon der Lajen, prezident Jeŭraparłamienta Rabierta Miecoła.
EPC — heta placoŭka dla stratehičnaha dyjałohu i supracoŭnictva pamiž dziaržavami Jeŭropy. Jana abjadnoŭvaje krainy Jeŭrasajuza i jaho susiedziaŭ, kab razam abmiarkoŭvać biaśpieku, ekanomiku, demakratyju i budučyniu kantynienta.
Na paradku dnia —padtrymka Ukrainy, biaśpieka Jeŭropy, umacavańnie jeŭrapiejskaj supolnaści va ŭmovach ciapierašniaj hieapalityčnaj realnaści.
«Udzieł Cichanoŭskaj stanie mahčymaściu danieści da mižnarodnaj supolnaści, što demakratyčnaja Biełaruś — bolš nadziejny partnior dla Jeŭropy, čym režym Łukašenki, a taksama pryciahnuć uvahu da nieabchodnaści praciahvać padtrymku palitviaźniaŭ i ŭsich, chto zmahajecca za svabodu», — paviedamiła jaje pres-słužba.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii21
Kamientary