Paviedamleńnie ŭładam Biełarusi pra toje, što biznesmien Alaksandr Mašenski bolš nie źjaŭlajecca hanarovym konsułam Isłandyi, było nakiravana 24 červienia 2025 hoda. Pra heta Reform.news raskazali ŭ Ministerstvie zamiežnych spraŭ Isłandyi.
«Pa vynikach dziaviataj Konsulskaj kanfierencyi Isłandyi, jakaja adbyłasia ŭ vieraśni minułaha hoda, było pryniata rašeńnie pravieści ahlad sietki hanarovych konsułaŭ Isłandyi, jakaja naličvaje bolš za 200 čałaviek pa ŭsim śviecie. Ahlad pravodziŭsia z ulikam uzrostu, aktyŭnaści i intaresaŭ Isłandyi ŭ adpaviednym konsulskim akruzie.
Pa vynikach ahladu była padrychtavana rekamiendacyja vyzvalić ad abaviazkaŭ adzinaccać konsułaŭ hetaj viasnoj, i siarod ich akazaŭsia Hanarovy konsuł Isłandyi ŭ Biełarusi», — raskazaŭ pres-sakratar MZS Ejhir Tor Ejstejnsan.
Pradstaŭnik MZS Isłandyi dadaŭ, što «spadar Mašenski byŭ prainfarmavany ab namierach Ministerstva ŭ pačatku hetaha hoda, a paviedamleńnie ŭładam Biełarusi było nakiravana 24 červienia».
Alaksandr Mašenski byŭ pryznačany hanarovym konsułam Isłandyi ŭ 2007 hodzie i bieśpierapynna zajmaŭ hetuju pasadu 18 hadoŭ. Jaho kampanii naležyć damien iceland.by.
Kamientary
[Zredahavana]
[Zredahavana]