Na vučeńniach «Zachad» adpracoŭvajuć napad na Polšču i Litvu pad vyhladam abarony Kalininhrada
12 vieraśnia pačalisia vučeńni «Zachad-2025». Vajenny ahladalnik Bild Julijan Ropkie ličyć, što adnosna nievialikaja kolkaść sałdat — usiaho 18 200, ź ich 5500 rasijanaŭ — nie pavinna ŭvodzić u zman adnosna niebiaśpieki manieŭraŭ. Uładzimir Pucin i Alaksandr Łukašenka adpracoŭvajuć try stratehii vajny z Zachadam.
Užyvańnie jadziernaj zbroi i rakiet siaredniaj dalokaści
Klučavy elemient vučeńniaŭ — imitacyja ŭžyvańnia jadziernaj zbroi i rakiet «Arešnik», raźmiaščeńnie jakich u Biełarusi płanujecca da kanca hetaha hoda. Vidavočnaja meta hetych manieŭraŭ — zapałochać susiedziaŭ Biełarusi.
«My bačym situacyju na našych zachodnich i paŭnočnych miežach i nie možam spakojna nazirać za militaryzacyjaj i vajennaj aktyŭnaściu», — zajaviŭ ministr abarony Biełarusi Viktar Chrenin na adkryćci vučeńniaŭ.
Heta pahroza pryviała da nieadkładnaha zakryćcia miažy ź Biełaruśsiu z boku Polščy i zakryćcia pamiežnaj pavietrana-prastory z boku Litvy. U adkaz pres-sakratar MZS RF Maryja Zacharava pahražała «nastupstvami».
Napad na Suvałkski kalidor
Aficyjna na hetych vučeńniach Rasija i Biełaruś adpracoŭvajuć «viadzieńnie abaranialnych bajoŭ, razhrom voraha, jaki prarvaŭ abarončyja rubiažy, i stvareńnie ŭmovaŭ dla adnaŭleńnia terytaryjalnaj cełasnaści dziaržavy». U pieršy dzień manieŭraŭ RIA paviedamiła, dzie mienavita praduhledžvajecca «abarončaja apieracyja»: u Kalininhradskaj vobłaści, jakuju, nibyta, choča zachapić NATO.
Kab «abaranić» Kalininhrad, rasijskaja armija pavinna nastupać ź Biełarusi i prakładać tak zvany Suvałkski kalidor — učastak terytoryi Polščy i Litvy šyrynioj kala 60 km, jaki złučyć Biełaruś i Kalininhrad.
Takim čynam, Rasija robić vyhlad, što patrebna abarona jaje ankłava, kab adpracavać napad na NATO u hetym rehijonie.
Represii
«Zachad — 2025» praduhledžvaje taksama «baraćbu ź niezakonnymi ŭzbrojenymi farmiravańniami, a taksama dyviersijnymi i raźviedvalnymi hrupami praciŭnika». Rasijskija dziaržaŭnyja ŚMI nie pakinuli sumnievaŭ u tym, chto majecca na ŭvazie — «ahienty Polščy» i «supracoŭniki ŭkrainskaj vyviedki».
Na spravie ŭ Biełarusi «dyviersantami» ŭ bolšaści vypadkaŭ akazvajucca zusim nie varožyja ahienty, a krytyki režymu, jakich biezadkazna abvinavačvajuć u špijanažy na karyść Polščy abo Ukrainy, kab paśla zaklučyć u turmu.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii6
Kamientary
No nie dohovarivajut kto ot koho pošieł. Słavianie pošli s poleśja(Biełarusi i Ukrainy).To jesť russkije pošli ot nas, a nie naoborot.
p.s
Priedstav́tie jeśli Amierikancy budut dokazyvať, čto Britancy i Niemcy proizošli ot nich, a nie naoborot.