Łukašenka: Biełaruskaj carkvie pašancavała, što ŭ jaje jość Uładyka Fiłaret
Biełaruskaj pravasłaŭnaj carkvie pašancavała, što ŭ jaje jość Uładyka Fiłaret. Pra heta zajaviŭ Alaksandr Łukašenka siońnia na pasiadžeńni Śviaščennaha Sinoda BPC.
«Pašancavała ŭ tym płanie, što ŭžo nie adzin dziasiatak hadoŭ hety čałaviek tak plonna pracuje ŭ imia miru, spakoju i dabrabytu ŭ našaj Ajčynie», — skazaŭ kiraŭnik dziaržavy.
Pavodle słoŭ Alaksandra Łukašenki, Biełaruskaja pravasłaŭnaja carkva pad kiraŭnictvam Uładyki Fiłareta zaŭsiody išła ŭ rečyščy vybranaha narodam kursu raźvićcia krainy, zaŭsiody padtrymlivała hety kurs.
«Staŭšy Mitrapalitam u 1987 hodzie, vy, Vaša Vysokapraaśviaščenstva, unieśli vialiki ŭkład va ŭstaranieńnie toj barykady kanfrantacyi i nierazumieńnia, jakaja raździalała dziaržavu i carkvu mnohija dziesiacihodździ», — adznačyŭ prezident.
«Z asablivymi pačućciami ŭdziačnaści i hordaści ja vinšuju vas z 75‑hadovym jubilejem. U narodzie hety jubilej nazyvajuć bryljantavym», — skazaŭ Alaksandr Łukašenka.
Kiraŭnik dziaržavy adznačyŭ, što, pavodle słoŭ apostała Paŭła, archirej pavinien być uzoram dla viernikaŭ u słovie, žyćci, lubovi, viery i čyścini.
«Pierakanany, usie prysutnyja mianie padtrymajuć, što, Uładyka Fiłaret poŭnaściu adpaviadaje hetym słovam, paćviardžaje ich usioj svajoj pracaj: carkoŭnaj, žyćciovaj, litaraturnaj. Svaimi šmathrannymi zdolnaściami jak bahasłoŭ, piedahoh, archipastyr, prapaviednik, miratvorac. Ale samaje hałoŭnaje — jak čałaviek», — skazaŭ biełaruski lider.
Pavodle słoŭ kiraŭnika dziaržavy, Boh daravaŭ Mitrapalitu Fiłaretu mocnaje zdaroŭje. «I ja chacieŭ by, kab jano i dalej zachoŭvałasia ŭ vas na doŭhija hady», — skazaŭ Alaksandr Łukašenka.
Kiraŭnik dziaržavy siońnia ŭručyŭ pradstajacielu BPC śpiecyjalny list ab abjaŭleńni padziaki Prezidenta Biełarusi. Pry hetym Alaksandr Łukašenka źviarnuŭ uvahu, što Uładyka Fiłaret, jak nichto inšy, adznačany samymi vysokimi dziaržaŭnymi ŭznaharodami. «Vy adzin ź pieršych hierojaŭ suvierennaj Biełarusi», — nahadaŭ biełaruski lider.
Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2
Kamientary