Heta nie Miłan i nie Sicylija.
Treveł-žurnalistka Kiejtlin Razaci abjeździła ŭsiu Italiju. U artykule dla Business Insider jana nazvała svoj lubimy rehijon, kudy viartajecca z zadavalnieńniem.
Heta Bazilikata. «Rehijon, jaki ja naviedała šeść razoŭ z 2021 hoda i jaki ja liču najlepš zachavanaj tajamnicaj krainy», — piša jana.
Bazilikata znachodzicca ŭ Paŭdniovaj Italii, pamiž Apulijaj i Kałabryjaj. Hety rehijon žurnalistka lubić za jaho pahorki i kuchniu.
Da taho ž, tam niešmatludna. Pa stanie na 2024 hod nasielnictva ŭsiaho rehijona Bazilikata składaje mienš za 550 000 čałaviek, u toj čas jak nasielnictva Ryma — kala 3 miljonaŭ.
Bazilikata atočana moram z dvuch bakoŭ — na poŭdni Ianičnym, a na zachadzie Tyrenskim moram.
Siarod turystaŭ viadomaje Amalfitanskaje ŭźbiarežža ŭ Italii. Žurnalistka prapanuje alternatyvu — plažy Maratea.
Ježa ŭ Bazilikacie vychodzić daloka za miežy picy i pasty.
Peperone crusco — abo chrumstkija čyrvonyja piercy — zajmajuć asobnaje miesca ŭ kuchni Bazilikaty. Jany padajucca amal z usim.
«Ja jeła ich z roznymi stravami z pasty (asabliva pasta mollicata, pasta, pasypanaja sucharami), i ja navat jeła ich, pakrytyja šakaładam, u nievialikaj kandytarskaj u Pińjole», — piša žurnalistka.
Amatary syru buduć rady pasprabavać kačakavała. Hety syr u formie kropli zvyčajna vyrablajecca z aviečaha małaka (choć moža vyrablacca i z karovinaha), i padobny da pravałonie.
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
Kamientary
U krai z tuzin zamkaŭ i manastyroŭ, jakija svaju historyju bieruć z rymskaha, vizantyjskaha (praz heta nazva rehijona - ziamla vizantyjcaŭ) ci z hispanskaha času.
Chto takoje lubić - samaje toje pachadzić, pałazić
A antyčnaja nazva kraju - Łukanija, zachavałasia ŭ nazvach hor i proźviščach žycharoŭ