U Polščy sud apraŭdaŭ piaciarych aktyvistaŭ, jakich abvinavačvali ŭ dapamozie mihrantam kala biełaruskaj miažy, paviedamlaje Polskaje pres-ahienctva. Rasśledavańnie ciahnułasia dva hady, a prakuratura patrabavała dla ich pakarańnia — hod i čatyry miesiacy turmy. Siarod abvinavačanych była i biełaruska z Padlašša, Eva Maroz.
Aktyvistaŭ abvinavačvali ŭ tym, što jany davali ježu, vopratku i prytułak mihrantam u lesie, a taksama nibyta dapamahali im trapić u Polšču. Ale sud u Hajnaŭcy 8 vieraśnia 2025 hoda pryjšoŭ da vysnovy: dokazaŭ taho, što abvinavačanyja mieli niejkuju asabistuju ci finansavuju vyhadu, niama. Tamu ich apraŭdali.
Sud padkreśliŭ, što dla pryznańnia takoha złačynstva abaviazkova pavinna być dakazana vyhada dla tych, chto dapamahaje, a nie tolki dla mihrantaŭ.
Praces vyklikaŭ vialiki rozhałas u krainie. Na bok abvinavačanych stali pravaabaroncy, pradstaŭniki hramadskaści i navat rada advakataŭ, jakija adznačali, što dapamoha ludziam u ciažkim stanoviščy — heta naturalna i sacyjalna prymalna.
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1111
Kamientary