«Cieła znajšli biez hałavy». U Rasii zahinuŭ jašče adzin top-mieniedžar, užo 19-ty z pačatku vajny
U Rasii praciahvajecca sieryja zahadkavych śmierciaŭ top-mieniedžaraŭ i bujnych biznesoŭcaŭ. Hetym razam takaja padzieja adbyłasia ŭ Kalininhradskaj vobłaści: pad mostam znajšli cieła kiraŭnika kampanii «K-Pataš Servis» Alaksieja S. Pavodle infarmacyi ŚMI i siłavikoŭ, trup byŭ biez hałavy, a da jaho prymacavany buksirovačny tros, paviedamlaje The Moscow Times.
Alaksiej S. uznačaliŭ «K-Pataš Servis» u kastryčniku 2022 hoda. Kampanija zajmałasia prajektam kalijna-mahnijevaha rudnika ŭ pasiołku Nivienskaje Kalininhradskaj vobłaści, adnak jaho zapusk niekalki razoŭ pieranosili praz supraciŭ miascovych žycharoŭ.
Śmierć hetaha top-mieniedžara, jak adznačajecca, stała ŭžo jak minimum dzieviatnaccataj padobnaj historyjaj z pačatku vajny va Ukrainie. Z 2022 hoda ŭ Rasii pry niavyśvietlenych ci vielmi dziŭnych abstavinach zahinuli pradstaŭniki kiraŭnictva «Hazprama», «Hazprambanka», «Łukojła», «Urałkalija», «Transnafty», «Navateka», «Narnikiela» i inšych kampanij. Adnych znachodzili z ahniastrelnymi ranieńniami, inšych — paśla padzieńnia z voknaŭ, jašče častku — pry abstavinach, aficyjna patłumačanych jak suicyd abo «raptoŭnaja chvaroba».
U Rasii pradprymalnik skončyŭ žyćcio samahubstvam paśla dopytu pra suviazi ź biełaruskaj kampanijaj
U Maskvie vypaŭ z akna były top-mieniedžar JUKOSa
Samahubstvy, zabojstvy i niaščasnyja vypadki. Jak chvala śmierciaŭ zachlisnuła bujny rasijski biznes
Znoŭ dziŭnaja śmierć top-mieniedžara ŭ Maskvie. Hetym razam z «Rasijskich čyhunak»
Jašče adna zahadkavaja śmierć rasijskaha top-mieniedžara: upaŭ za bort karabla
Ciapier čytajuć
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ6
Kamientary