U Rasii pradprymalnik skončyŭ žyćcio samahubstvam paśla dopytu pra suviazi ź biełaruskaj kampanijaj
U Leninhradskaj vobłaści skončyŭ žyćcio samahubstvam Alaksandr Chajdzin, kamiercyjny dyrektar hrupy kampanij «Błaho» — vytvorcy słaniečnikavaha aleju. Niezadoŭha da hibieli jaho vyklikali ŭ adździeł baraćby z ekanamičnymi złačynstvami i pytalisia pra biznes-suviazi ź biełarusami, piša Baza.
15 studzienia 49-hadovy Alaksandr Chajdzin pavinien byŭ zajechać za žonkaj paśla pracy i advieźci jaje na lecišča, ale da viečara mužčyna pierastaŭ vychodzić na suviaź.
Ustryvožanaja žančyna pačała šukać muža, i nieŭzabavie pradprymalnika, jakoha ŭ 2022 hodzie pryznali adnym z najlepšych top-mieniedžaraŭ u halinie sielskaj haspadarki, byŭ znojdzieny miortvym u haražy, a pobač ź im lažaŭ karabin Strasser RS 05 Standard.
Zahinuły pakinuŭ pieradśmiarotnuju zapisku, u jakoj dziakavaŭ žoncy za sumiesna pražytyja hady i śćviardžaŭ, što «jamu treba pajści».
Niezadoŭha da hibieli Chajdzin pryjšoŭ dadomu i raskazaŭ žoncy, što jaho vyklikali ŭ adździeł baraćby z ekanamičnymi złačynstvami pa pytańniach, źviazanych ź biełaruskaj kampanijaj «Kubak». Pa słovach žančyny, Alaksandr byŭ mocna zasmučany i skazaŭ dziŭnuju frazu: «Moža, mnie pajści?» Ale tady žonka nie zrazumieła hetyja słovy.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary