Jašče adna zahadkavaja śmierć rasijskaha top-mieniedžara: upaŭ za bort karabla
Pra śmierć kiraŭničaha dyrektara pa avijacyjnaj halinie Karparacyi raźvićcia Dalokaha Uschodu i Arktyki Ivana Piačoryna stała viadoma siońnia, choć zahinuŭ jon 10 vieraśnia. Pra heta paviedamlajecca na sajcie dziaržkarparacyi.
Uviečary ŭ subotu Ivan Piačoryn adpačyvaŭ na katary ź siabrami ŭ akvatoryi vostrava Ruski la mysa Ihnaćjeva. Jak piša vydańnie Baza, kampanija vypivała, a niepasredna pierad adpłyćciom Piačoryn sabraŭsia kupacca.
Kali mienavita jon upaŭ za bort — nieviadoma. Pa adnoj ź viersij, mieniedžar sieŭ na dekaratyŭnuju aharodžu ŭ nasavoj častcy katara i ŭ niejki momant, vierahodna z-za hajdanki, sarvaŭsia. Udzielniki prahułki paviedamili kapitanu pra źniknieńnie Piačoryna tolki praz 40 chvilin paśla adpłyćcia.
Pošuki ŭ mory nie dali vynikaŭ navat kali padklučylisia ratavalniki. Cieła mužčyny znajšli tolki praz dva dni na bierazie mysa Staryckaha na vostravie Ruski.
Cikava, što ŭsiaho paŭhoda tamu raptoŭna pamior 43-hadovy hienieralny dyrektar hetaj samaj Karparacyi raźvićcia Dalokaha Uschodu i Arktyki Ihar Nosaŭ.
Heta ŭžo nie pieršaja zahadkavaja śmierć rasijskaha top-mieniedžara za apošnija paŭhoda. Apošni z takich vypadkaŭ — hibiel u kancy žniŭnia kiraŭnika rady dyrektaraŭ ŁUKOJŁa Ravila Mahanava.
Kamientary