«Цела знайшлі без галавы». У Расіі загінуў яшчэ адзін топ-менеджар, ужо 19-ты з пачатку вайны
У Расіі працягваецца серыя загадкавых смерцяў топ-менеджараў і буйных бізнэсоўцаў. Гэтым разам такая падзея адбылася ў Калінінградскай вобласці: пад мостам знайшлі цела кіраўніка кампаніі «К-Паташ Сэрвіс» Аляксея С. Паводле інфармацыі СМІ і сілавікоў, труп быў без галавы, а да яго прымацаваны буксіровачны трос, паведамляе The Moscow Times.
Аляксей С. узначаліў «К-Паташ Сэрвіс» у кастрычніку 2022 года. Кампанія займалася праектам калійна-магніевага рудніка ў пасёлку Нівенскае Калінінградскай вобласці, аднак яго запуск некалькі разоў пераносілі праз супраціў мясцовых жыхароў.
Смерць гэтага топ-менеджара, як адзначаецца, стала ўжо як мінімум дзевятнаццатай падобнай гісторыяй з пачатку вайны ва Украіне. З 2022 года ў Расіі пры нявысветленых ці вельмі дзіўных абставінах загінулі прадстаўнікі кіраўніцтва «Газпрама», «Газпрамбанка», «Лукойла», «Уралкалія», «Транснафты», «Наватэка», «Нарнікеля» і іншых кампаній. Адных знаходзілі з агнястрэльнымі раненнямі, іншых — пасля падзення з вокнаў, яшчэ частку — пры абставінах, афіцыйна патлумачаных як суіцыд або «раптоўная хвароба».
У Расіі прадпрымальнік скончыў жыццё самагубствам пасля допыту пра сувязі з беларускай кампаніяй
У Маскве выпаў з акна былы топ-менеджар ЮКОСа
Самагубствы, забойствы і няшчасныя выпадкі. Як хваля смерцяў захліснула буйны расійскі бізнэс
Зноў дзіўная смерць топ-менеджара ў Маскве. Гэтым разам з «Расійскіх чыгунак»
Яшчэ адна загадкавая смерць расійскага топ-менеджара: упаў за борт карабля
Цяпер чытаюць
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў3
Каментары