«Марская гавань» працягвае збіраць таварныя знакі «Белрыбы» пасля набыцця плошчаў прадпрыемства. На гэты раз «Белрыба» перадала кампаніі правы на два свае таварныя знакі.
Сярод іх — лагатып прадпрыемства. Інфармацыя пра гэта ёсць у рэестры таварных знакаў Нацыянальнага цэнтра інтэлектуальнай уласнасці Беларусі, піша Office Life.
У другой палове 2025 года кампанія «Марская гавань» набыла плошчы збанкрутаванага прадпрыемства «Белрыба» ў Мінску. У лютым 2026 года мы паведамлялі, што пасля гэтага «Марская гавань» вырашыла абнавіць рэгістрацыю трох яго таварных знакаў, у тым ліку аднаго лагатыпа.
З афіцыйнага бюлетэня НЦІС Беларусі вынікае, што ў другой палове сакавіка 2026 года «Белрыба» перадала «Марской гавані» правы на яшчэ адзін свой лагатып, а таксама на выяву, якая чымсьці нагадвае верхнюю частку вакуумнай упакоўкі з рыбай.
Першапачаткова «Белрыба» падала заяўку на іх рэгістрацыю ў сярэдзіне ліпеня 2002 года. Сама рэгістрацыя адбылася ў канцы верасня 2004 года.
Абодва таварныя знакі зарэгістраваныя ў пяці класах тавараў. Цяпер кампанія «Марская гавань» можа выкарыстоўваць іх, напрыклад, для ўпакоўкі тавараў, кансерваваных харчовых прадуктаў, рыбы і г.д.
Дырэктарам кампаніі «Марская гавань» з’яўляецца беларуская бізнэсвумэн, сяброўка Віктара Лукашэнкі Людміла Няронская. Сярод яе актываў — расійская кампанія «Саюзныя промыслы», рыбаперапрацоўчы завод у Калядзічах, сетка бістро «Рыбны дом «Марскія сезоны» і інш. Акрамя гэтага, кампанія будуе яшчэ адзін завод па перапрацоўцы рыбы ў СЭЗ «Віцебск».
Цяпер чытаюць
Вось хто той хлопец, які паехаў на праполку бульбы і стаў героем сацсетак3
Каментары
Ні ведаю як дзе а у Бабруйску была добрая інфраструктура вялікія на той час сучасныя лядоўні .