Mierc zaklikaŭ Jeŭropu skarektavać svaje intaresy bieź iłžyvaj nastalhii
Fiederalny kancler Hiermanii Frydrych Mierc zajaviŭ, što impierskija ambicyi Uładzimira Pucina vychodziać daloka za miežy Ukrainy i što kanflikt tam — tolki pačatak. Jon zaklikaŭ jeŭrapiejskich sajuźnikaŭ pierahledzieć svaje pryjarytety i šukać novych partnioraŭ va ŭmovach źmienienych adnosin z ZŠA, piša The Moscow Times.
«My ŭ Jeŭropie pavinny skarektavać svaje intaresy — bieź iłžyvaj nastalhii», — padkreśliŭ Mierc.
Choć ZŠA zastajucca važnym sajuźnikam, Vašynhton ciapier stavić supracoŭnictva ŭ zaležnaść ad kankretnych intaresaŭ i ŭmoŭ, adznačyŭ kancler.
Prezidentka Jeŭrakamisii Ursuła fon der Lajien padtrymała jaho mierkavańnie, nazyvajučy Pucina «drapiežnikam», jaki nie spynicca na Ukrainie. Pavodle jaje, rasijskija pasiaredniki hadami pravodziać hibrydnyja i kibierataki, vykarystoŭvajuć mihrantaŭ jak instrumient cisku, tamu Jeŭropa pavinna brać na siabie bolšuju adkaznaść za svaju abaronu. Jana taksama adznačyła zapusk płana ES pa raźvićci abaronnaj pramysłovaści na sumu 800 miljardaŭ jeŭra.
Sihnałam surjoznaści pahrozy stali kankretnyja miery: u Francyi ŭłady dali rasparadžeńni ŭsim balnicam padrychtavacca da scenaru «vialikaha sutyknieńnia» da sakavika 2026 hoda, uklučajučy mahčymaść masavaha pryjomu paranienych vajskoŭcaŭ z Francyi i krain-sajuźnic.
Hiensak NATA Mark Rute raniej papiaredziŭ, što Rasija moža być hatovaja napaści na aljans na praciahu piaci hadoŭ. Raźviedka Danii prahnazuje jašče bolš piesimistyčny scenaryj: łakalny kanflikt z susiedniaj krainaj mahčymy ŭžo ciaham paŭhoda, a praz 2—3 hady Maskva zmoža pahražać adnoj abo niekalkim krainam NATA.
U hety ž čas Rasija aktyŭna naroščvaje vajskovuju infrastrukturu na miežach ź Finlandyjaj i bałtyjskimi krainami, stvarajučy novyja bazy i składy dla techniki i ŭzbrajeńnia.
«Mindalničać, jak u 1944-m, ź imi nichto bolš nie budzie». Miadźviedzieŭ apublikavaŭ artykuł z pahrozami Finlandyi
Mierc upieršyniu adkryta nazvaŭ Pucina vajennym złačyncam. Pucin adkazaŭ
Mierc: U Pucina niama padstaŭ dla spynieńnia vajny ci zaklučeńnia mirnaj damovy z Ukrainaj
Mierc: Rasija spynić kanflikt va Ukrainie, tolki kali jaje prymusiać
Mierc: My ŭžo znachodzimsia ŭ kanflikcie z Rasijaj, Pucin lezie ŭsiudy
Kamientary
Tolko na nieho odna nadiežda
2 - kali Eŭropa budzie tolki na słovach i sustrečach lidaraŭ uzbrojvacca i stvarać sapraŭdnuju armiju eŭrapiejskuju,
Pucin biezumoŭna napadzie.
Ale spačatku Ukraina tymi siłami i srodkami jakija jen zadziejničaŭ. Ale jak bačna tut vidavočna nie chapaje mocy