Dron, jaki ŭpaŭ u Polščy, byŭ z kiryličnymi nadpisami i biez uzbrajeńnia
Uviečary 7 vieraśnia, kala 21:40, u vioscy Pałacičy Terespalskaj hminy Lublinskaha vajavodstva miascovyja žychary zaŭvažyli vypalenaje miesca ŭ kukuruznym poli. Na ziamli lažali abłomki nieviadomaha latalnaha aparata. Ich znajšli pamiežniki i pieradali siłavikam. Paźniej prakuratura paćvierdziła, što heta byŭ dron biez uzbrajeńnia, na jakim byli nadpisy kirylicaj, paviedamlaje Onet.pl.
Pavodle infarmacyi, viadomaj na hety momant, dron upaŭ prykładna za 300 mietraŭ ad punkta propusku ŭ Terespali na polska-biełaruskaj miažy. Śviedki raskazali, što čuli huk padzieńnia.
Pa danych telekanała TVN24, bieśpiłotnik byŭ zaŭvažany polskimi vajskovymi radarami. Jon ruchaŭsia na nievialikaj vyšyni i z małoj chutkaściu, paśla čaho pačaŭ razvaročvacca ŭ bok Ukrainy. Mienavita tamu polskija vajskoŭcy vyrašyli nie źbivać jaho, bo jon nie ŭjaŭlaŭ pramoj pahrozy.
Polsat News paviedamlaje, što infarmacyju pra bieśpiłotnik zahadzia pieradaŭ ukrainski bok.
Śpiecyjalisty miarkujuć, što heta moh być tak zvany «vabik» — dron biez bajavoj nahruzki abo ź nievialikaj kolkaściu vybuchoŭki. Jaho zadača — adciahnuć srodki supraćpavietranaj abarony, kab u hety čas asnoŭnyja atakujučyja bieśpiłotniki mieli bolš šancaŭ prarvacca.
Ciapier polskija siłavyja orhany i prakuratura praciahvajuć vyśviatlać, da jakoha typu naležaŭ hety dron i adkul jon startavaŭ.
«Padniabiennaha źbivaŭ były načalnik kałonii». Voś što raskazvajuć pra palitviaźnia, jaki zahinuŭ za kratami ŭ 36 hadoŭ4
Kamientary