Biełaruski forvard Dzianis Aŭsiańnikaŭ padpisaŭ kantrakt z kiprskim «Arysam», jak treniruje Arciom Radźkoŭ. Pahadnieńnie raźličana na 5 hadoŭ, paviedamlaje football.by.
Uradženiec Viciebska ŭ 2022 hodzie dałučyŭsia da Akademii ABFF. Za kamandu ABFF da 17 hadoŭ vystupaŭ u pieršaj lizie, a ŭ studzieni hetaha hoda zaklučyŭ svoj pieršy prafiesijny kantrakt — ź viciebskim «MŁ».
U hetym siezonie ŭ 10 matčach vyšejšaj lihi nabraŭ 3 (2+1) bały pa schiemie «hoł+padača».
Nahadajem, što raniej «Arys» uznačalvaŭ biełaruski trenier Alaksiej Špileŭski, što pryvioŭ kłub da pieršaha čempijonstva, da kłuba majuć dačynieńnie inšyja biełarusy.
Za kiprski «Akrytas» hulaje Pavieł Zabielin.
U vyšejšych dyvizijonach u Jeŭropie biełarusy hulajuć u Bałharyi (try čałavieki), Słavienii (2), Polščy (2), Bośnii i Hiercahavinie (1), Hrecyi (2), Sierbii (1).
Što da krain byłoha SSSR, to najbolšaja dyjaspara ŭ vyšejšym dyvizijonie Kazachstana (15), u Rasii (8), Kyrhyzstanie (8). Małdova (3), Litva (2), Hruzija (1), Armienija (1).
Pavieł Apiacionak moža pierajści ŭ hrecki PAOK.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary