Dziaržsakratar Rady biaśpieki nahadaŭ, što «ŭ metach źniaćcia napružańnia ŭsie rajony praviadzieńnia vučeńniaŭ pieraniesieny ŭ hłyb terytoryi krainy».
Mety vučeńniaŭ «Zachad-2025» vyklučna abarončyja. Pra heta žurnalistam zajaviŭ dziaržaŭny sakratar Rady biaśpieki Alaksandr Valfovič padčas naviedvańnia šerahu pradpryjemstvaŭ Aršanskaha rajona, piša BiełTA.
«Užo stolki skazana kiraŭnikom našaj dziaržavy, kiraŭnictvam Ministerstva abarony ab tym, što hetyja vučeńni («Zachad-2025») płanavyja, takija vučeńni prachodziać raz na dva hady. Mety vučeńniaŭ zusim nie nastupalnyja. Na terytoryi našych susiednich dziaržaŭ pravodziacca vučeńni vyklučna z nastupalnymi metami. Dla našych vučeńniaŭ pastaŭlena vyklučna abarončaja meta — abarona Sajuznaj dziaržavy», — skazaŭ Alaksandr Valfovič.
Jon taksama dadaŭ, što ŭ metach źniaćcia napružańnia ŭsie rajony praviadzieńnia vučeńniaŭ pieraniesieny ŭ hłyb terytoryi krainy, choć pieršapačatkova płanavałasia zadziejničać praktyčna ŭsie palihony ŭ Bresckaj i Hrodzienskaj abłaściach.
«A našy susiedzi, u adkaz na našu dobrazyčlivuju rytoryku, razharnuli hrupoŭku vojskaŭ dla praviadzieńnia vučeńniaŭ na palihonach pablizu našaj miažy. Tak, siońnia bolš za 1 tys.čałaviek znachodzicca na palihonie Padbrodździ, za 15 km ad našaj miažy. Jak nam na heta reahavać? Pieradysłakavanaja dadatkovaja častka avijacyi na aeradromy Polščy i krain Prybałtyki, dzie znachodzicca zvyš 148 samalotaŭ. Pravodziacca i inšyja mierapryjemstvy, jakija nas pavinny naściarožyć i, napeŭna, šturchnuć na miery ŭ adkaz, spravakavać chočuć. Ale my razumnyja ludzi, my nikoha pravakavać nie budziem, adsočvajem i hatovyja dać istotny adpor niadobrazyčliŭcam, kali jany raptam aśmielacca pakvapicca na našu terytoryju. Svaju ziamlu my nikomu nie addamo, my jaje budziem abaraniać da apošniaha ŭzdychu, jak abaraniali jaje našy prodki», — padkreśliŭ dziaržaŭny sakratar.
Jon taksama źviarnuŭ uvahu na płanavy charaktar i vučeńniaŭ ADKB, jakija ŭ tym liku projduć i na terytoryi Respubliki Biełaruś
«Praktyčna ŭsie kantynhienty krain ADKB prybyli na palihon Łaśvida, jaki taksama znachodzicca ŭ hłybini našaj krainy. Heta taksama płanavyja vučeńni, jakija prachodziać pa čarzie na terytoryi krain ADKB. Samyja bujnyja vučeńni na terytoryi Biełarusi — «Uzajemadziejańnie-2025».
Na ich buduć zadziejničany Kalektyŭnyja siły apieratyŭnaha reahavańnia (KSAR). Treba budzie adpracoŭka pytańniaŭ, źviazanych z łakalizacyjaj kanfliktu na terytoryi adnoj ź dziaržaŭ», — adznačyŭ Alaksandr Valfovič.
Kamientary