U Biełarusi dazvolili taniroŭku škła aŭto, ale z techahladam mohuć uźniknuć prablemy — usio z-za Mytnaha sajuza
«Biełtechahlad» zaŭvažyŭ jurydyčny kazus, jaki moža pieraškodzić amataram zaciemnienych voknaŭ.
Z 1 vieraśnia ŭ Biełarusi znoŭ dazvolili taniroŭku zadniaha škła aŭtamabilaŭ. Taki punkt uvajšoŭ u papraŭki da Pravił darožnaha ruchu, jakija ŭnios svaim ukazam Alaksandr Łukašenka.
Paśla padpisańnia ŭkaza ŭ DAI raskazali, što zakon nie ŭstanaŭlivaje niejkija abmiežavańni dla taniroŭki. Hałoŭnaje, što nielha taniravać piarednija vokny. Usio astatniaje — na mierkavańnie aŭtaŭładalnika.
Ale «Biełtechahlad» znajšoŭ jurydyčny kazus. Techničny rehłamient Mytnaha sajuza zabaraniaje
«najaŭnaść dadatkovych pradmietaŭ abo pakryćciaŭ, jakija abmiažoŭvajuć ahladnaść ź miesca kiroŭcy (za vyklučeńniem lusterkaŭ zadniaha vidu, detalaŭ škłoačyščalnikaŭ, vonkavych i naniesienych abo ŭbudavanych u škło radyjoanten, nahravalnych elemientaŭ pryład razmarožvańnia i asušeńnia vietravoha škła)».
U «Biełtechahladzie» ličać, što hety punkt patencyjna moža supiarečyć biełaruskamu zakonu, jaki dazvalaje taniroŭku. Takim čynam, vadzicieli nie zmohuć prajści techahlad sa štorkaj abo plonkaj na zadnich voknach.
«Biełtechahlad» nakiravaŭ listy ŭ Dziaržaŭny kamitet pa standartyzacyi i Ministerstva transpartu i kamunikacyj z prośbaj rastłumačyć hety momant. I vypuścić niejkija rekamiendacyi.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary