«Usio zabaranili». U Hrodnie muzyki raniej vystupali ŭ centralnych dvorykach, a ciapier nie buduć
Vuličnym muzykam zabaranili vystupać u centralnych dvorykach Hrodna. Pad zabaronu taksama trapiła hučnaja muzyka z kałonak i dydžej-sety. Pra heta napisali adrazu try miascovyja žychary. U sacsietkach haradžanie aburajucca — hrodziency ličać, što zabarona pazbaviła horad vizitoŭki, piša Hrodna.life.
Karystalnica pad nikam ČikaČika adznačaje, što ciapier u Hrodnie cišynia.
«Ciapier u dvorykach nie budzie muzyki, tamu što admianili ŭsie hetyja mierapryjemstvy i hučnuju muzyku — čysta fonam».
Videa pra zabaronu vystupleńniaŭ apublikavaŭ i hrodzieniec bogislavovich. Haradžanin raskazvaje, što rašeńnie jaho zasmuciła.
«Jak pa mnie, tematyčnyja dvoryki — heta vizitoŭka našaha horada. Dvoryk na Mastavoj — krutoje miesca, bar «Piatnica», Templ, «Urbanist», «Miata». Zaŭsiody kuča-kuča narodu pa vychadnych. B*ć, niejkaha ch*ia ŭsio ŭziali zabaranili», — napisaŭ bogislavovich.
Hrodziency vykazali mierkavańni, čamu vystupy zabaranili.
«Muzykam płacili tolki z restyka «Odiessy». Punk-roll i inšaja ŭstanova, nie pamiataju nazvu, nie skidvalisia hrašyma. Tamu «Odiessa» vyrašyła, što im nie vyhadna — ludzi siadziać va ŭsich ustanovach, a płaciać tolki jany», — piša leraarbuzik0.
Pa śćviardžeńniach kavier-benda One Day, vystupy zabaranili ź inšaj pryčyny.
«My b i za simvaličnuju płatu hatovy, ale nie ŭ hetym sprava… Babuli i dziaduli napisali skarhu, sumna im stała».
U Threads hrodzienka Taćciana miarkuje: muzyki niama z-za taho, što «ŭ adnym z baraŭ pieravysili decybieły». Haradžanka nie razumieje, «čamu pakarali ŭsich, a nie tolki hetuju ŭstanovu».
U kamientarach mierkavańni hrodziencaŭ nakont zabarony padzialilisia. Adnyja ličać, što cišynia patrebnaja žycharam bližejšych damoŭ. Inšyja zasmučanyja — ciapier moładzi budzie niama dzie adpačyvać.
«Usio pravilna zrabili. Ludzi chočuć u svaich kvaterach adpačyvać, a nie słuchać muzyku pad voknami. Zabaŭlajciesia tak, kab nikomu nie zaminać», — piša Ludmiła.
«I areli źniali. Dvoryk z muzykaj da 23:00, u čym prablema była, navošta zabaraniać. Ja ŭ šoku», — adznačaje K.
«Tam (u dvoryku Mastavoj — Hrodna.life) prosta hraje muzyka, a nie dydžej z tusoŭkami. Ciapier usio vielmi tuchła, sama tam pracuju», — raskazvaje aggrieved__.
«Tak, u «Odieśsie» ŭžo cicha, vielmi škada. I tak, ja babka i žyvu ŭ centry — mnie ŭsio vielmi padabajecca i nie pieraškadžaje», — dzielicca Miata.
Supraćstajańnie pamiž ustanovami i miascovymi ŭładami ciahniecca ŭžo niekalki hadoŭ. Tak, uletku 2020 bar Cuba zakryvaŭsia z-za skarhaŭ na šum — ustanovu abaviazali pracavać da 23:00.
U 2022 hodzie na Mastavoj zabaranili užyvać ałkahol — rašeńnie pryniała administracyja budynka.
«Nazad u minułaje nie chočam». Barysaŭcy raskazali, čamu im nie zajšła moładzievaja dyskateka ŭ haradskim parku
Paźniak žorstka vykazaŭsia pra Karža: Antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie
Biełaruskaja skrypačka daść u Łondanie pieršy kancert, całkam pryśviečany sučasnaj biełaruskaj akademičnaj muzycy
«Nie vajnie!» Jak Maks Korž razryvaŭ Varšavu i pra što kazaŭ na svaim kancercie? REPARTAŽ
Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?
Biełaruski muzyka ŭziaŭ udzieł u fiestyvali «Taŭryda.Art» u akupavanym Krymie
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2020
Kamientary
Niamožna ščyra i bieskłapotna viesialicca ŭ paŭnočna-zachodnim krai, i maskoŭska-łukašenkaŭskija naznačency ab hetym kłapociacca. Treba kab cicha ŭsio było i nijakich kampanij bolš za 3 asobny...