Kali samit z Pucinym pravalicca, Tramp moža ŭvieści sankcyi suprać «Rasnafty» i «Łukojła»
ZŠA razhladajuć mahčymaść uviadzieńnia sankcyj suprać rasijskich naftavych hihantaŭ «Rasnafta» i «Łukojł», kali sustreča Donalda Trampa z Uładzimiram Pucinym na Alascy nie daść prahresu ŭ pytańni pieramirja z Ukrainaj. Pra heta paviedamiła ahienctva Bloomberg sa spasyłkaj na krynicy.
Meta takich mieraŭ — skaracić enierhietyčnyja dachody Kramla. Pavodle słoŭ apytanych čynoŭnikaŭ, Tramp spadziajecca, što, kali sankcyi i buduć uviedzienyja, ich dziejańnie budzie karotkaterminovym, kab minimizavać upłyŭ na suśvietnyja ceny.
Siarod inšych varyjantaŭ razhladajucca dadatkovyja abmiežavańni dla tak zvanaha «cieniavoha fłotu» tankieraŭ Maskvy i novyja mytnyja zbory dla pakupnikoŭ rasijskaj nafty, uklučajučy Kitaj. Luboje z hetych rašeńniaŭ mohuć uvodzić pastupova.
«Rasnafta» i «Łukojł» — najbujniejšyja vytvorcy nafty ŭ Rasii, jakija razam zabiaśpiečvajuć kala pałovy ŭsiaho ekspartu syroj nafty krainy (pryblizna 2,2 miljona barelaŭ u dzień u pieršaj pałovie hetaha hoda).
Napiaredadni samitu Tramp papiaredziŭ, što Pucin sutykniecca z surjoznymi ekanamičnymi nastupstvami, kali nie budzie zacikaŭleny ŭ spynieńni vajny va Ukrainie. Ministr finansaŭ ZŠA Skot Biesient dadaŭ, što ŭsie varyjanty sankcyj zastajucca «na stale» — jak dla ich źmiakčeńnia, tak i dla ŭzmacnieńnia.
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary