Pravaabaroncy zafiksavali za piać hadoŭ bolš za 100 tysiač faktaŭ pieraśledu
Z pratestaŭ 2020 hoda minuła ŭžo piać hadoŭ. Žorstkaść i biesčałaviečnaść siłavikoŭ u lipieni i žniŭni 2020-ha aburyła ŭsiu mižnarodnuju supolnaść, ale z taho času situacyja z pravami čałavieka ŭ Biełarusi značna pahoršyłasia, piša «Viasna».
Za piać hadoŭ pravaabaroncy «Viasny» zafiksavali bolš za 100 000 faktaŭ represij: pieratrusaŭ, karotka– i doŭhaterminovych zatrymańniaŭ, dopytaŭ i inš.
Siońnia za kratami — 1190 palitviaźniaŭ, jašče niekalki dziasiatkaŭ čałaviek utrymlivajuć u IČU pa ŭsioj krainie pavodle palityčnych administracyjnych artykułaŭ. Za hety čas byli pryznanyja palitviaźniami 4064 čałavieki.
Minimum 8 522 čałavieki stali fihurantami kryminalnych spravaŭ. U dačynieńni da nie mienš za 7 299 čałaviek byli vyniesienyja palityčna matyvavanyja prysudy.
«Viaśnie» viadoma pra minimum 1761 žančynu, asudžanuju pavodle kryminalnych artykułaŭ.
Naŭprost ciapier u miescach niavoli znachodziacca 178 palitźniavolenych žančyn, siarod jakich piensijanierki, žančyny z surjoznymi zachvorvańniami, a taksama šmatdzietnyja maci.
Pravaabaroncam viadoma nie mienš čym pra 206 palitviaźniaŭ, jakija znachodziacca za kratami ŭ asablivaj ryzycy. Heta ludzi, jakija majuć prablemy sa zdaroŭjem, niepaŭnahadovyja na momant ździajśnieńnia dziejańniaŭ, što staviacca im u vinu, šmatdzietnyja i inšyja ludzi ŭ ciažkich siamiejnych abstavinach, ludzi, jakija znachodziacca na prymusovym psichijatryčnym lekavańni ŭ zakrytych ustanovach.
1620 palitviaźniaŭ adbyli terminy całkam, 3000 majuć status byłych palitviaźniaŭ.
Z 2020 hoda 360 palitviaźniaŭ byli pamiłavanyja, vosiem ź ich byli departavanyja naŭprost z kałonii, pry hetym jany nie majuć inšaha hramadzianstva aproč biełaruskaha.
Nie mienš za 3 673 čałavieki asudžanyja za ŭdzieł u akcyjach pratestu pavodle č. 2 art. 293 i art. 342 Kryminalnaha kodeksu. Sudy praciahvajucca da hetaha času
Za hety čas vosiem palitviaźniaŭ pamierli ŭ źniavoleńni: Alaksandr Kulinič, Ihar Lednik, Vadzim Chraśko, Aleś Puškin, Mikałaj Klimovič, Vitold Ašurak, Dźmitryj Šlethaŭer, Valancin Štermier.
Užo 180 čałaviek u Biełarusi asudzili zavočna. Nie mienš za 85 zamiežnych hramadzian asudzili pa palityčnych kryminalnych spravach u Biełarusi, 30 ź ich ciapier utrymlivajucca ŭ źniavoleńni.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali6
Kamientary
Vsio, błahodaria krasaucam i ich priestuplenijam protiv nasielenija...