U Rasii sud raptoŭna pryznaŭ, što słova «chachły» raspalvaje nianaviść da ŭkraincaŭ
Žycharka Buracii ŭ damavym čacie nazvała mužčynu «chachłom» za toje, što jahonaje proźvišča Iščanka. Toj pajšoŭ u sud.
Sud u rasijskim Ułan-Ude pakaraŭ miascovuju žycharku Jaŭhieniju Zandanavu za toje, što jana ŭ damavym čacie nazvała susieda «chachłom».
Žančynu pryznali vinavataj pa administracyjnaj artykule ab uzbudžeńni nianaviści albo varožaści, joj pryznačyli štraf u 10 tysiač rasijskich rubloŭ, to-bok 123 dalary, piša «Viorstka».
Zandanava adpraviła ŭ damavy čat u Viber nastupnyja paviedamleńni (arfahrafija i punktuacyja zachavanyja): «Iŝienko vsie havno zakančivajetsia na o», «Uma nie nažił», «vy vsie chochły», «Tak u tiebia v krovi iz podtiaška vsie diełať» «Łajkaj siebie», «Ja tvoj łajk pokažu i otvietiš», «Vy vsie chochły podłyje», «Tak chochły vsiehda tak łaji, a potom za śpinoj tiebia obsirajut».
Zhodna z zaklučeńniem ekśpiertyzy, u hetych frazach utrymlivajecca «abraźlivaja acenka asoby adrasata pa prykmiecie nacyjanalnaści», a taksama jany «prypisvajuć jamu šerah ahulnych niehatyŭnych charaktarystyk, ułaścivych pradstaŭnikam ukrainskaj nacyjanalnaści».
Žančyna nie admaŭlała fakt adpraŭki paviedamleńniaŭ. Sud kvalifikavaŭ jaje dziejańni jak «nakiravanyja na prynižeńnie hodnaści čałavieka pa prykmietach nacyjanalnaści, ździejśnienyja publična» z vykarystańniem internetu.
Sud vynies rašeńnie 28 maja 2025 hoda, a ŭ červieni Zandanava padała skarhu na jaho ŭ Viarchoŭny sud Buracii. Jana źviarnuła ŭvahu na toje, što Iščanka, jakomu byli adrasavanyja paviedamleńni, «kazaŭ, što jon źjaŭlajecca ruskim pa nacyjanalnaści», z-za čaho jaje vykazvańni «nie mohuć być pryznanyja jak prynižajučyja hodnaść asoby pa nacyjanalnaj prykmiecie (ukrainca) i nie ŭtvarajuć skład inkryminavanaha administracyjnaha pravaparušeńnia». Niahledziačy na heta, rašeńnie suda było pakinuta bieź źmienaŭ.
Jak adznačaje «Viorstka», słova «chachły» časta vykarystoŭvajuć topavyja rasijskija prapahandysty kalibra Marharyty Simańjan i Uładzimira Sałaŭjova, a taksama mnohija palityki, nie kažučy ŭžo ab pravajennych błohierach i vajenkorach. U Biełarusi takoje abraźlivaje słova časta vykarystoŭvaje Ryhor Azaronak.
«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh
Kursanty Razanskaha vučylišča pavietrana-desantnych vojsk zabili svajho siaržanta, paškodziŭšy jaho parašut
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii2
Kamientary