Łaŭra Dalmajer trapiła pad kamniapad.
U bijatłonnym śviecie niaščaście. Łaŭra Dalmajer trapiła pad padzieńnie kamianioŭ u harach Pakistana 28 lipienia. Ale z-za ŭmovaŭ nadvorja vyratavalnaja słužba zmahła prybyć na miesca zdareńnia tolki 29 lipienia, piša Championat.com
Pa vynikach ablotu miascovaści śpiecyjalisty nie zmahli znajści dvuchrazovuju alimpijskuju čempijonku. Pošuki źnikłaj eks-bijatłanistki prypynieny viečaram u aŭtorak z-za nadychodu ciemry. Na žal, vyratavalniki nie harantujuć, što bijatłanistka zastałasia žyvoj.
Ranicaj u sieradu pošuki praciahnulisia.
Atrad hornych vyratavalnikaŭ dapamahajuć daśviedčanyja alpinisty, jakija apynulisia ŭ tym ža rajonie Pakistana. Ale pakul navin pra toje, ci dabrałasia hrupa da miesca trahiedyi, niama.
Łaŭra paśla zaviaršeńnia karjery nie prosta zachapiłasia alpinizmam — jana stała hornym hidam, pakaryła adnu ź viaršyń u Himałajach.
Dalmajer — adna z najlepšych bijatłanistak u historyi, zorka 2010-ch hadoŭ. Svaju karjeru niemka zaviaršyła ŭ 2019 hodzie, usiaho ŭ 25 hadoŭ, patłumačyŭšy heta strataj matyvacyi! Ale da hetaha jana paśpieła jaskrava prajavić siabie.
Za šeść hadoŭ na najvyšejšym uzroŭni Łaŭra stała dvuchrazovaj alimpijskaj čempijonkaj i bronzavym pryzioram Alimpijady-2018. Jana zavajavała 15 miedaloŭ na čempijanatach śvietu, siem ź jakich byli załatymi. U Kubku śvietu jana 53 razy (26—19—8) padymałasia na pjedestał, a ŭ siezonie 2018/2019 zavajavała «Vialiki kryštalovy hłobus».
Paśla zaviaršeńnia karjery Dalmajer pracavała ekśpiertam na niamieckim telebačańni i zajmałasia alpinizmam.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy11
Kamientary