Forvard minskaha «Dynama» Dyłan Dziube i jašče čatyry chakieisty pryznanyja nievinavatymi pa spravie ab seksualnym hvałcie
Sud pravincyi Antarya ŭ čaćvier pryznaŭ nievinavatymi chakieistaŭ Dyłana Dziube, Kartera Charta, Aleksa Farmentana, Kejła Futa i Majkła Makłauda pa spravie ab mierkavanym hrupavym seksualnym hvałcie, što adbyŭsia ŭ červieni 2018 hoda ŭ Łondanie, paviedamlaje «Biełaruski chakiej».
Sudździa Maryja Karoča adznačyła, što nie paličyła pakazańni paciarpiełaj, viadomaj pad inicyjałami E.M., praŭdapadobnymi i nadziejnymi.
«Pakolki ja nie mahu abapiracca na dokazy, pradstaŭlenyja E.M., i ŭličvajučy ŭsie materyjały spravy, ja prychodžu da vysnovy, što abvinavačańnie nie zmahło dakazać vinu padsudnych», — zajaviła Karoča.
U dačynieńni da Dziube sud ustanaviŭ, što abvinavačańnie nie dakazała, što šlop pa jahadzicach paciarpiełaj źjaŭlaŭsia aktam seksualnaha charaktaru. Taksama nie było znojdziena padstaŭ ličyć, što aralny kantakt pamiž Dziube i E.M. adbyŭsia bieź jaje zhody.
Apraŭdalnyja vierdykty byli vyniesieny amal praz šeść tydniaŭ paśla zaviaršeńnia sudovych debataŭ i praź siem hadoŭ paśla mierkavanaha incydentu.
Usie piaciora abvinavačvanych byli členami moładzievaj zbornaj Kanady, jakaja vyjhrała čempijanat śvietu siarod junijoraŭ u 2018 hodzie.
Dyłan Dziube źjaŭlajecca abmiežavana svabodnym ahientam u KCHŁ: kvalifikacyjnuju prapanovu hulec atrymaŭ ad minskaha «Dynama».
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj4
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
[Zredahavana]