U noč na 24 lipienia rasijskija akupanty nanieśli rakietny ŭdar pa Čarkasach, u vyniku čaho ŭ horadzie ŭźnikli pažary, jość paranienyja.

Pra heta paviedamiŭ kiraŭnik Čarkaskaj abłasnoj vajennaj administracyi Ihar Taburec. «Rakietnaja ataka na abłasny centr. Majem niekalki pažaraŭ pa horadzie. Usie słužby pracujuć. Pavodle papiarednich danych, šaściora traŭmavanych», — paviedamiŭ jon i paabiacaŭ bolš infarmacyi paźniej.
U abłasnym centry adčuvalisia zboi ŭ elektrazabieśpiačeńni i pracy internetu. Paźniej Taburec dadaŭ, što pažary pa horadzie likvidavany, piša UNIAN.
Pavodle śviežych danych ad mera Čarkas Anatola Bandarenki, kolkaść paranienych pavialičyłasia. «Majem siamioch paciarpiełych, jakija źviarnulisia pa miedycynskuju dapamohu, siarod ich — adno dzicia», — udakładniŭ jon.
Akramia taho, u vyniku ataki na Adesu zahareŭsia lehiendarny rynak «Pryvoz».
U Dziaržaŭnaj słužbie nadzvyčajnych situacyj paviedamili, što «vyratavalniki likvidujuć nastupstvy rasijskaha teroru i starajucca vyratavać ad ahniu takoje značnaje dla adesitaŭ i kožnaha turysta miesca».
Taksama varožyja bieśpiłotniki atakavali Mikałajeŭ, z-za čaho ŭ horadzie ŭźnikli pažary. Pra heta paviedamiŭ kiraŭnik Mikałajeŭskaj AVA Vital Kim u Telegram. Pavodle jahonych danych, na hety momant paviedamleńniaŭ pra paranienych nie pastupała.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje

«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć

U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

Kamientary