Siarhiej Cichanoŭski padzialiŭsia z «Našaj Nivaj» płanami na budučyniu i raskazaŭ pra samaje jarkaje ŭražańnie paśla sustrečy ź siamjoj.
Cichanoŭski tłumačyć, što jašče rana kazać pra niejkija vyniki jaho pracy — maŭlaŭ, pakul jon jašče nie adčuŭ hlebu pad nahami. Ale da kanfierencyi «Novaja Biełaruś», zapłanavanaj na 9 žniŭnia, Siarhiej abiacaje raskazać pra svaje płany na bližejšy čas.
Pakul Cichanoŭski pryśviačaje šmat času adpačynku:
«Adnaŭlaju zdaroŭje — pačaŭ sportam zajmacca, pavietram dychać. Heta vielmi jarkija ŭražańni i emocyi, kali ty biažyš pa bierazie mora — napeŭna, heta samaje jarkaje, što było ŭ mianie paśla sustrečy ź siamjoj. U turmie niemahčyma było sabie takoje ŭjavić, heta niešta nievierahodnaje».
Siarhiej raskazvaje, što ciapier jon rychtujecca da pajezdki ŭ ZŠA. Tam budzie sustrakacca ź biełaruskaj dyjasparaj, ale nie tolki ź joj:
«Chaču sustrecca z administracyjaj Trampa nakont vyzvaleńnia našych palitviaźniaŭ. Maju svaje prapanovy, viedaju, što i jany pracujuć nad hetym. Chaču danieści da ich hetuju infarmacyju pra palitviaźniaŭ. U pieršuju čarhu mianie cikaviać biełarusy, jakija tam žyvuć, i vyzvaleńnie našych palitviaźniaŭ.
Taksama tam płanujecca sieryja intervju, nakolki heta budzie cikava amierykanskim ŚMI. Ja ž paŭsiul dziakuju Donaldu Trampu, tak što, moža, jamu cikava budzie — ja b z zadavalnieńniem i asabista jamu padziakavaŭ by. Kali budzie takaja mahčymaść, ja b pryjechaŭ i pacisnuŭ jamu ruku».
U svaim vystupie na mitynhu Siarhiej taksama adznačyŭ, što biełarusy vystupajuć za terytaryjalnuju cełasnaść Ukrainy ŭ miežach 1991-ha hoda, i jon sam zaŭždy za heta vystupaŭ:
«Krym — heta Ukraina i zaŭždy budzie tolki Ukrainaj. Vilnia — heta Litva i zaŭždy budzie Litvoj. A toj, chto kaža advarotnaje — heta pravakatar, zdradnik i złačyniec. My biaskonca ŭdziačnyja litoŭskamu narodu za toje, što jon dapamahaje biełarusam, pakul my zmahajemsia z režymam Łukašenki.
Nichto i nikoli nie źbiraŭsia stvarać nijakija astravy, nijakija asobnyja pravincyi ŭ Litvie. Heta łuchta i hetaha nikoli nie budzie».
«Naša Niva» — bastyjon biełaruščyny
PADTRYMAĆCiapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary