Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu
Amierykanskamu prezidentu treba pierastać havaryć z Rasijaj na movie ŭltymatumaŭ, bo kožnaje takoje patrabavańnie nabližaje ZŠA da vajny, zajaviŭ namieśnik staršyni Rady biaśpieki RF Dźmitryj Miadźviedzieŭ.
Pavodle jaho słoŭ, kiraŭniku Biełaha doma varta pamiatać, što Rasija — heta nie Izrail i nie Iran, kab siabie ź joj pavodzić padobnym čynam.
«Tramp hulaje va ŭltymatym z Rasijaj: 50 dzion abo 10… Kožny novy ultymatum — heta pahroza i krok da vajny. Nie pamiž Rasijaj i Ukrainaj, a ź jaho ŭłasnaj krainaj. Nie idzicie pa šlachu sonnaha Džo!», — napisaŭ Miadźviedzieŭ u X.
Na dopis adreahavaŭ aŭtar zakona ab «piakielnych sankcyjach» suprać RF, sienatar Lindci Hrem. «Tym u Rasii, chto ličyć, što prezident Tramp nie nastrojeny surjozna pakłaści kaniec kryvavaj bojki pamiž Rasijaj i Ukrainaj: vy i vašy pakravicieli vielmi chutka mocna pamyliciesia… Siadajcie za stoł pieramovaŭ», — paryravaŭ jon.
Paśla hetaha Miadźviedzieŭ źviarnuŭsia da Hrema, zajaviŭšy, što nie jamu i nie Trampu «dyktavać, kali «siadać za stoł pieramovaŭ».
«Pieramovy skončacca, kali buduć dasiahnutyja ŭsie mety našaj vajennaj apieracyi. Zajmiciesia spačatku Amierykaj, dziadula!», — dadaŭ namieśnik staršyni Rady biaśpieki, piša The Moscow Times.
28 lipienia Tramp zajaviŭ, što «vielmi rasčaravany» prezidentam Rasii Uładzimiram Pucinym, jaki kinuła armiju ŭ novaje nastupleńnie i praciahvaje bić pa Ukrainie zamiest spynieńnia ahniu. Amierykanski lidar adznačyŭ, što skaračaje termin 50‑dzionnaha ŭltymatymu, abvieščanaha 14 lipienia: ciapier u Pucina jość maksimum 12 dzion, kab zaklučyć mir.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna14
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary