Stralba ŭ chmaračosie na Manchetanie: zabityja čatyry čałavieki, strałok zastreliŭsia
Mer i palicyja Ńju-Jorka paćvierdzili, što pry stralbie ŭ chmaračosie na Manchetenie zabityja čatyry čałavieki, u tym liku palicejski. Jašče adzin čałaviek ciažka paranieny, piša Bi-bi-si.
Strałok pakončyŭ z saboj, jaho matyvy nieviadomyja; pa źviestkach uładaŭ, u jaho byli prablemy ź psichičnym zdaroŭjem.
Infarmacyju, jakaja źjaviłasia raniej u presie, pra piać zahinułych, uklučajučy strałka, paćvierdziŭ na pres-kanfierencyi mer Ńju-Jorka Eryk Adams.
Kamisar palicyi Ńju-Jorka Džesika Ciš raspaviała, što strałok, apaznany jak žychar Łas-Viehasa 27-hadovy Šejn Tamura, uvajšoŭ u budynak z aŭtamatam M4 u ruce i adrazu adkryŭ ahoń, zabiŭšy palicejskaha i jašče dvuch mužčyn.
Zatym jon padniaŭsia na lifcie na pavierch, dzie znachodzicca firma Ruden Building Management i pačaŭ stralać tam. Paźniej tam była znojdziena zabitaja žančyna.
Zatym Tamura spuściŭsia ŭniz u faje i zastreliŭsia.
Pa słovach kamisara Ciš, Tamura za try dni prajechaŭ usiu krainu i dajechaŭ da Ńju-Jorka zusim niezadoŭha da taho, jak adpraviŭsia stralać.
Pa źviestkach, jakija ńju-jorkskaja palicyja atrymała ad uładaŭ Łas-Viehasa, u Tamury, jak skazała Ciš, byli zadakumientavanyja prablemy ź psichičnym zdaroŭjem.
«Jaho matyvy rasśledujucca, i my pracujem nad tym, kab zrazumieć, čamu jon abraŭ heta kankretnaje miesca», — skazała Ciš.
Ciapier čytajuć
Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy4
Kamientary