Minskaja siamja chacieła schitravać i ŭpliščycca ŭ čarhu na kvateru, ale nie atrymałasia
Inšy minčuk pryjšoŭ na pryjom da mera z prośbaj zabraniravać miesca na mohiłkach.
Na pryjom da staršyni Minharvykankama Uładzimira Kucharava zapisałasia šmatdzietnaja siamja, što pražyvaje ŭ Maskoŭskim rajonie. Raniej pary było admoŭlena ŭ pastanoŭcy na ŭlik u jakaści tych, chto maje patrebu ŭ palapšeńni žyllovych umoŭ. Daviedacca, čamu tak, minčanie vyrašyli na haradskim uzroŭni, pišuć Minsk-naviny.
— Paroh patreby ŭ Minsku — mienš za dziesiać kvadratnych mietraŭ na adnaho čałavieka. Patreba ŭ vašaj situacyi ŭźnikła ŭ suviazi z tym, što vy zarehistravalisia ŭ kvatery muža ŭ 2023 hodzie, — adznačyŭ Uładzimir Kucharaŭ.
— Raniej vy pražyvali ŭ inšym žyłym pamiaškańni, dzie kryter patreby dasiahnuty nie byŭ. Takim čynam, adbyłosia paharšeńnie žyllovych umoŭ šlacham pasialeńnia. I tamu ŭ pastanoŭcy na ŭlik było admoŭlena na padstavie artykuła 37 Žyllovaha kodeksa. Realizavać prava na pastanoŭku na ŭlik u takim vypadku možna pa zakančeńni piaci hadoŭ z daty paharšeńnia žyllovych umoŭ. Abaviazkovy kryter — najaŭnaść padstaŭ dla patreby. Vyklučeńniaŭ zakon nie praduhledžvaje.
Taksama na pryjom pryjšoŭ žychar mikrarajona Uručča, jon źviarnuŭsia ź niezvyčajnaj prośbaj. Minčanin paviedamiŭ, što źjaŭlajecca adzinokim, i vykazaŭ žadańnie zabraniravać pry žyćci miesca na mohiłkach «Uručča».
— Zahadzia zabraniravać miesca na mohiłkach nielha, — adznačyŭ staršynia Minharvykankama. — Učastak na dva miescy, jaki pradastaŭlajecca biaspłatna, advodzicca tolki pa fakcie śmierci čałavieka. Vyklučeńnie — braniravańnie dadatkovaha ŭčastka adnačasova z pachavańniem pamierłaha abo paśla jaho.
Ciapier čytajuć
Ci spynilisia zvalnieńni pa palityčnych matyvach? Voś što raskazali ŭ niekalkich dziaržaŭnych arhanizacyjach5
Kamientary
Kucharaŭ, heta NARMALNA žyć razam z mužam i być prapisanaj k adnoj ź im kvatery.