Vice-prezident ZŠA vykazaŭsia pra mahčymuju sustreču Pucina, Zialenskaha i Trampa
«Prezident Złučanych Štataŭ pavinien być tym, chto źviadzie hetych dvuch razam».
Vice-prezident ZŠA Džej Dzi Vens raskazaŭ ab padrychtoŭcy pieramoŭ Trampa i Pucina i mahčymaj prysutnaści Zialenskaha.
U intervju Fox News Vens adkazvaŭ na pytańnie, ci nie było b lepš, kab Pucin sustreŭsia ź Zialenskim pierad sustrečaj z Trampam.
«Ja nie dumaju, što heta budzie nastolki praduktyŭna. Ja dumaju, što ŭ pryncypie, prezident Złučanych Štataŭ pavinien być tym, chto źviadzie hetych dvuch razam», — padzialiŭsia jon.
Vice-prezident ZŠA ličyć dypłamatyčnym praryvam budučuju sustreču Trampa i Pucina.
«Uładzimir Pucin skazaŭ, što jon nikoli nie siadzie za stoł pieramovaŭ ź Zialenskim, ciapier heta pavinna źmianicca, my ciapier znachodzimsia ŭ kropcy, dzie my sprabujem vyśvietlić raskład i tamu padobnyja rečy, kali hetyja try lidary mahli b sieści za stoł pieramovaŭ i abmierkavać spynieńnie hetaha kanfliktu», — adznačyŭ Vens.
Sustreča Trampa z Pucinym zapłanavanaja na Alascy na 15 žniŭnia. Jak paviedamlałasia raniej, Pucin pieradaŭ amierykancam, što choča zabrać častku terytoryj Ukrainy. Zialenski ŭ adkaz na heta zajaviŭ, što daryć svaju ziamlu akupantu ŭkraincy nie buduć. Jeŭropa padtrymała admovu Ukrainy zdavać svaje terytoryi Pucinu bieź jahonych sastupak.
Kamientary
Słova abiacańnie Trampa??))) VVPu??)))