Biełaruski Svabodny teatr anansuje novuju pastanoŭku, u jakoj padymaje temu biaźlitasnaj biurakratyi ŭžondaŭ
20 vieraśnia Biełaruski Svabodny Teatr viartajecca na scenu z novaj pastanoŭkaj. «Urząd Przyjemności» — premjera, jakaja prymušaje hladzieć u vočy rečaisnaści. Na premjeru śpiektakla, jakaja adbudziecca ŭ Varšavie, užo raskupleny ŭsie kvitki, ale pastanoŭka budzie iści jašče ŭ Skłot Syrena ciaham vieraśnia i kastryčnika, piša «Budźma».
Pra što hety śpiektakl
Heta historyja nie pra Polšču, a pra sistemu, jakaja zabyvajecca, što pierad joj — čałaviek. Pra ludziej, što apynulisia pamiž miežami, movami i čakańniem. Heta śpiektakl, stvorany z asabistaha dośviedu aktoraŭ, jakija sami prachodzili praz užondy, ankiety, biaskoncyja čerhi, abyjakavyja pohlady.
«Urząd Przyjemności» — heta spoviedź ludziej, jakija nie chacieli źjazdžać, ale byli vymušanyja. I navat tut pavinny dakazvać, što majuć prava na žyćcio. Heta ščyraja teatralnaja rabota biez efiektaŭ, ale z efiektam, jaki zastajecca nadoŭha. Tut asabisty dośvied stanovicca teatram. Bieź filtraŭ, bieź litaści, — pišuć aŭtary śpiektakla.
Navošta iści
Adčuć siabie čałaviekam u sistemie, jakaja sprabuje ciabie abiaźličyć.
Padzialić hetuju spoviedź. Hety kryk. Hety napamin, što svabodu niemahčyma admianić rašeńniem inśpiektara.
Pačuć historyi pra ŭsich, chto sutyknuŭsia ź sistemaj, u jakoj nibyta jość usie praviły, ale niama čałaviečnaści.
«Biurakratyja — heta taksama palityčnaja scena, a značyć — nadyšoŭ čas zrabić ź jaje teatr. Svabodny Teatr — heta prastora, dzie asabisty dośvied nabyvaje kalektyŭny sens. My praciahvajem havaryć tam, dzie inšyja maŭčać. I robim heta praz mastactva», — adznačaje kamanda teatra.
Varta viedać
Praciahłaść śpiektakla: 90 chvilin, biez antraktu.
Movy pastanoŭki: polskaja, anhielskaja, biełaruskaja, ruskaja.
Subtytry: na polskaj i anhielskaj movach.
Uzrost: 18+.
Źmiaščaje: hučnyja huki, vybuchi, dym, sceny sa strobaśviatłom, a taksama zhadki pra darosłuju tematyku, uklučajučy łajanku, hvałt, užyvańnie zbroi i sceny seksualnaha hvałtu.
Čas i miesca pakazaŭ: 21 vieraśnia, 4 kastryčnika, 5 kastryčnika, 11 kastryčnika, Skłot Syrena, (ul. Wilcza 30), Varšava.
Nabyć kvitki možna tut.
Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka1
Kamientary
Chalezin u svaim repiertuary. Śpiektaklam heta nazvać možna. Ale heta jaŭna nie mastactva.