«Ja za toje, kab my jašče pasprabavali. Ja, prynamsi, jašče nie sprabavaŭ…» Cichanoŭski pastaviŭ sabie dedłajn dla vynikaŭ u baraćbie z režymam

Pra dedłajn 9 žniŭnia 2026 hodu

— Ja vystupaju za toje, kab my jašče pasprabavali. Ja, prynamsi, jašče nie sprabavaŭ… Ja chaču pasprabavać demakratyčnym šlacham usio ž taki dasiahnuć peŭnaha vyniku. Ja chaču, kab my jak maha chutčej viarnulisia dadomu. Ja chaču, kab usie palitviaźni vyjšli na volu.

Ja, adrozna ad našych palitykaŭ, dyplamataŭ, našych demakratyčnych sił, nie źviazany z anijakimi fondami, nia maju nijakich abaviazkaŭ. Ja svabodny čałaviek, ja caniu svaju svabodu. I ja mahu śmieła skazać, što hatovy pastavić dedłajn. Ja ŭžo niedzie kazaŭ, što, niachaj heta budzie nastupnaje 9 žniŭnia, kali ja skažu: tak, demakratyčnym šlacham, ale kali ŭ nas nie atrymlivajecca — treba šukać inšyja rašeńni.

Kali my budziem zaklikać brać u ruki zbroju ci iści na inšyja radykalnyja miery — našy partnery ad nas adviarnucca, i my zastaniemsia zusim adny. U nas i tak niama ŭzajemarazumieńnia. Ludzi pavinny viedać, što hvałt — heta krajniaja miera, i nie fakt, što jana da čahości pryviadzie.

Pra novyja prajekty i idei

— U mianie jość niekatoryja idei. Ciapier ja taksama źbirajusia zapuskać svaje prajekty, inicyjatyvy. Kali ekspertnaja acenka, u tym liku mižnarodnych ekspertaŭ, budzie stanoŭčaj — maje chłopcy z kamandy kažuć, što idei klasnyja, — ja taksama tak liču i vieru ŭ ich. Paśla acenki ekspertaŭ, kali ŭsio pojdzie i daduć zialonaje śviatło, vy ŭ bližejšy čas heta ŭbačycie. Ja ich ahałošu. Ja budu prasić biełarusaŭ udzielničać u hetych prajektach. Kali niejkija ź ich nie atrymajuć stanoŭčaj acenki, my ich pakul adkładziom.

Ale idej, ščyra, šmat. Raniej ja zajmaŭsia kreatyvam, i ŭ mianie idei ŭźnikajuć ledź nie štodnia. Niezrazumieła navat, jak takuju kolkaść realizavać.

Pra kamandu i pracu tolki ź biełarusami za miažoj

— Padadziena kala 500 zajavak. My navat nie paśpiavajem usim adkazać. Asabliva kali kožny addaje pieravahu svajmu sposabu suviazi. Chtości ŭ Biełarusi, a ź imi, mnie skazali, niebiaśpiečna kantaktavać. Ja skarystajusia tym, što vy ciapier sa mnoj razmaŭlajecie, kab źviarnucca da aŭdytoryi: kala 100 čałaviek u Biełarusi dasłali svaje kantakty — my nie možam adkazać z pryčyny mier biaśpieki. My za vas baimsia. Užo viadomyja vypadki, kali HUBAZiK i inšyja struktury Biełarusi stvarali falšyvyja placoŭki, čat-boty. Ja nijakich čat-botaŭ nikoli nie stvaraŭ. I tam ludziej uvodziać u zman, dajuć niejkija zadańni, ludzi kudyści jeduć, niešta robiać, a potym ich aryštoŭvajuć… My pracujem tolki ź biełarusami za miažoj.

Pra toje, ci ličyć siabie palitykam

— Ja raniej siabie nikoli palitykam nie ličyŭ. Pakul ja siadzieŭ u turmie, mianie ŭžo ŭsie nazyvali palitykam, bo maje dziejańni pryviali da peŭnych palityčnych vynikaŭ i vysokaj paznavalnaści.

I ciapier, jak by ja ni chacieŭ, budučy mužam svajoj lubaj Śviatłany Hieorhijeŭny Cichanoŭskaj, usio, što ja rablu, adrazu ŭsprymajecca jak palityka. Ja niešta skažu — i heta adrazu vyklikaje chvali emocyj, traplaje ŭ infarmacyjnaje pole, na pieršyja pałosy. Tamu, jak by ja ni chacieŭ, ja — palityk. Lider pratestaŭ 2020 hoda — i heta ŭžo nie adniać. I tak jak maje prajekty dalej buduć źviazanyja z sacsietkami, strymami, repartažami, błohieram ja taksama zastanusia. Tamu — pieršy džentelmen Biełarusi, palityk, błohier… nu i, mabyć, pradprymalnikam taksama zastanusia, bo heta ŭžo ŭ dušy.

Pra pajezdku ŭ ZŠA

— Ja zaraz źbirajusia ŭ Złučanyja Štaty Ameryki. Ja nie adzin, sa mnoj maja kamanda. Z taho boku i Prakopjeŭ prapanavaŭ svaju dapamohu, i pradstaŭniki dyjaspary, i roznyja aktyvisty, i navat amerykanskija dyplamaty prapanavali dapamohu. Ja raźličvaju dasiahnuć adnoj hałoŭnaj mety — vyzvalić maksymalna mahčymuju kolkaść palitviaźniaŭ. Bolš za 1000 čałaviek — heta maja meta № 1. Ja sa svaimi prapanovami chaču źviarnucca da amerykanskich palitykaŭ, da administracyi Donalda Trampa i spadziajusia, što chacia b niekatoryja maje idei prymuć abo chacia b razhledziać. Ja ŭpeŭnieny, što toje, što ja prapanuju, budzie vielmi vyhadna administracyi Trampa, i dumaju, što jany pahodziacca. — U mianie try asnoŭnyja kirunki: sustrečy z dyjasparaj, intervju amerykanskim ŚMI i sustrečy z dyplamatami i palitykami ZŠA.

• 15
• 0
• 6
• 7
• 0
• 1
• 0
• 0