Dapamoha siemjam u ES: jakija krainy prapanujuć lepšaje sacyjalnaje zabieśpiačeńnie
Dapamoha siemjam u Jeŭropie adroźnivajecca ad krainy da krainy.
Dapamoha siemjam pa sacyjalnym zabieśpiačeńni pavinna zmahacca ź dziciačaj biednaściu, ale dziaržaŭnyja vydatki na adnaho čałavieka ŭ Jeŭropie mocna roźniacca, piša Euronews Business.
U roznych krainach Jeŭropy sistemy sacyjalnaha zabieśpiačeńnia i siamiejnaj dapamohi istotna adroźnivajucca. Adzin sa sposabaŭ paraŭnać ich — pahladzieć, kolki kožnaja kraina tracić na adnaho čałavieka.
U 2022 hodzie krainy ES tracili na siamiejnyja dapamohi ŭ siarednim 830 jeŭra na čałavieka. Heta na 47% bolš, čym u 2012 hodzie — 566 jeŭra.
Ale jak suadnosiacca pakiety dapamohi ŭ Jeŭropie? Jakija krainy traciać bolš za ŭsio srodkaŭ na padtrymku siemjaŭ?
Pavodle dadzienych Jeŭrastata, u ES vydatki na siamiejnuju dapamohu na čałavieka ŭ 2022 hodzie varjiravalisia ad 211 jeŭra ŭ Bałharyi da 3 789 jeŭra ŭ Luksiemburhu.
U cełym siamiejnaja dapamoha na čałavieka najbolš vysokaja ŭ Paŭnočnaj i Zachodniaj Jeŭropie i najbolš nizkaja ŭ Paŭdniovaj i Uschodniaj.
Za Luksiemburham u śpisie iduć skandynaŭskija krainy: Narviehija (€2277), Danija (€1878), Isłandyja (€1874), Šviecyja (€1449) i Finlandyja (€1440).
«Skandynaŭskija krainy i Francyja zastajucca na samych vysokich miescach pa ahulnych vydatkach na siamiejnuju dapamohu, choć ich padychod u bolšaj stupieni abapirajecca na naturalnyja pasłuhi, takija jak dohlad za dziećmi, jakija nie całkam adlustroŭvajucca ŭ pakazčykach hrašovych dapamoh na dušu nasielnictva», — raspaviała Euronews Business prafiesarka An Dahier z Brystolskaha ŭniviersiteta.
Hiermanija (€1616), Šviejcaryja (€1375), Aŭstryja (€1340) i Irłandyja (€1026) taksama traciać bolš za €1000 na čałavieka. Bielhija (€976) i Francyja (867) pieravyšajuć siaredni pakazčyk pa ES, ale nie dasiahajuć adznaki ŭ €1 000.
Niderłandy prapanujuć siamiejnyja dapamohi ŭ pamiery €670 na čałavieka. Heta na €160 nižej za siaredni pakazčyk pa ES. Italija (€524) i Ispanija (€427) nie daciahvajuć da hetaha pakazčyka.
-
Čałaviekam, jakoha ŭčora zastrelili la rezidencyi Trampa ŭ Fłarydzie, akazaŭsia chłopiec, jaki zachaplaŭsia malavańniem paloŭ dla holfa
-
Kim Čen Yna pieraabrali na pasadu hienieralnaha sakratara Pracoŭnaj partyi KNDR
-
U Mieksicy vajskoŭcy zabili hałoŭnaha narkabarona. U adkaz jaho chaŭruśniki palać samaloty i aŭtobusy
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1717
Kamientary