Ukrainskija bieśpiłotniki atakavali bujny čyhunačny vuzieł u Rastoŭskaj vobłaści
U noč na 29 lipienia horad Salsk Rastoŭskaj vobłaści Rasii atakavali bieśpiłotniki. Miascovyja žychary paviedamlajuć pra maštabny pažar pablizu čyhunačnaj infrastruktury, piša «Ukrainskaja praŭda».
Pavodle paviedamleńniaŭ miascovych žycharoŭ u sacsietkach, horad Salsk padvierhnuŭsia atacy bieśpiłotnikaŭ. U šerahu telehram-kanałaŭ źjaviłasia infarmacyja pra sieryju vybuchaŭ kala 02:00 nočy, a taksama huki pracy SPA.
Na šmatlikich videa, apublikavanych u sacsietkach, zafiksavany vialiki pažar, jaki, pavodle słoŭ vidavočcaŭ, uźnik u rajonie čyhunačnaha vuzła. Salsk viadomy jak bujny čyhunačny vuzieł na paŭdniovym uschodzie Rastoŭskaj vobłaści.
V. a. hubiernatara Rastoŭskaj vobłaści Juryj Ślusar paćvierdziŭ ataku na čyhunačnuju stancyju.
«Uzharańnie adbyłosia na čyhunačnaj stancyi, pasažyrski ciahnik adviedzieny na biaśpiečnuju adlehłaść. U tušeńni zadziejničany 45 čałaviek i 12 adzinkaŭ techniki», — zajaviŭ Ślusar.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary