U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik
Ukrainski vajenny analityk, ekśpiert pa bieśpiłotnikach i REB Siarhiej Biaskresnaŭ («Fleš») u paniadziełak apublikavaŭ videa, na jakim, mierkavana, supracoŭnik achovy Uładzimira Pucina trymaje ŭ rukach dron-pierachopnik.
Detali videa śviedčać, što jano było źniata paśla paradu Pieramohi 9 maja, jak pakazvaje analiz «Ahienctva».
Na videa, jakoje apublikavaŭ Biaskresnaŭ, na zadnim płanie bačny Pucin, jaki ciśnie ruki kamandziram paradnych raźlikaŭ, a na piarednim — mužčynu ŭ kaściumie z bejdžam i sumkaj, jakaja častkova zakryvaje pradmiet, padobny da drona.
«FPV-pierachopnik u achovy Pucina», — padpisvaŭ post Biaskresnaŭ.
Pradmiet, jaki bačny ŭ rukach u mužčyny, padobny da drona-pierachopnika «Jołka». Heta kinietyčny bieśpiłotnik, jaki zapuskajuć z šmatrazovaj katapulty dla źniščeńnia dronaŭ typu «Baba Jaha», FPV-dronaŭ, BPŁA-raźviednikaŭ, bieśpiłotnikaŭ samalotnaha typu i baražujučych bojeprypasaŭ.
Na videa vidać, jak Pucin idzie pierad šeraham vajskoŭcaŭ, paciskajučy im ruki. Prezidenta Rasii supravadžajuć ministr abarony Andrej Biełavusaŭ, mužčyna ŭ vajskovaj formie ź biełymi palčatkami, niekalki achoŭnikaŭ, adzin ź jakich — u biejsbołcy i soncaachoŭnych akularach. Biełavusava pobač z Pucinym, vajskoŭca ź biełymi palčatkami — kamandujučaha paradam hałoŭnakamandujučaha Suchaputnymi vojskami Aleha Salukova — i ciełaachoŭnika ŭ biejsbołcy i akularach možna ŭbačyć i na kadrach zaklučnaj častki tranślacyi paradu Pieramohi.
Vajskoŭcy na videa, apublikavanym Biaskresnavym, stajać śpinaju da budynka Siarednich handlovych radoŭ. Hety ž budynak bačny za śpinami kamandziraŭ paradnych raźlikaŭ i na videa tranślacyi paradu.
Supadaje na abodvuch videa i paradak pabudovy vajskoŭcaŭ, jakim ciśnie ruki Pucin. Bližej da kanca šerahu, pavodle videa tranślacyi paradu, stajali troje siłavikoŭ u čyrvonych bieretach, jakich taksama vidać i na zapisie, apublikavanym ukrainskim vajennym ekśpiertam.
Dziela paradu Pieramohi ŭ Maskvie abmiažoŭvali pracu mabilnaha internetu i ŭpieršyniu nad hałoŭnaj trybunaj ustalavali śpiecyjalny kazyrok, jaki, vierahodna, taksama mieŭsia abaraniać ad ukrainskich dronaŭ.
Napiaredadni hetaha paradu Pieramohi Ukraina ŭzmacniła ataki dronami pa celach u centralnaj Rasii, i ŭ Kramla byli ŭsie padstavy bajacca ich praciahnieńnia i padčas paradu.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary