Pakupniku abiacajuć stabilny i vysoki pasiŭny prybytak.
Za tryccać miljonaŭ dalaraŭ u Minsku pradajuć biznes-centr «Ajaks», jaki znachodzicca na vulicy Mahiloŭskaj, 1.
Ahulnaja płošča ofisnych pamiaškańniaŭ — 16 804 m², a razam z parkinham — 22 454 m². Šasnaccacipaviarchovy budynak maje pamiaškańni vyšejšaha kłasa «A».
Jak paznačana ŭ abjavie, ofisny budynak pradajecca razam ź dziejnymi damovami arendy, što musić prynosić novamu ŭłaśniku stabilny i vysoki pasiŭny prybytak.
Na sajcie biznes-centra možna ŭbačyć, što bolšaść pamiaškańniaŭ ciapier arandavanyja, ale i volnych miescaŭ chapaje.
Najmienšaje volnaje pamiaškańnie maje płošču 254 m² i znachodzicca na pieršym paviersie, mietr arendy ŭ im kaštuje 40 rubloŭ (mienš za $14). Heta bolš za 10 000 rubloŭ, abo $3400 za miesiac.
Taksama volnymi zastajucca šosty, vośmy, dziaviaty i dziasiaty pavierchi. Płošča arendnych placovak składaje ad 830 da 915 m², košt za kvadratny mietr — ad 51 da 56 rubloŭ u miesiac. To-bok za arendu cełaha paviercha arandataru treba budzie płacić ad 42 da 51 tysiačy rubloŭ — kala $14300-$17400 za miesiac.
Biznes-centr «Ajaks» naležyć hrupie kampanij «Tapas». Płoščy ŭ arendu tut pačali zdavać ź leta 2020 hoda. Niejki čas «Ajaks» ličyŭsia doŭhabudam, pakolki pieršy zabudoŭščyk nie zdoleŭ zaviaršyć budaŭnictva i byŭ vymušany pradać abjekt.
Siarod ułaśnikaŭ «Tapasa» nazyvaŭsia chakieist z kamandy Alaksandra Łukašenki Pavieł Bieły. Jon zarabiŭ vializnyja hrošy, kali staŭ atrymlivać zručnyja i patencyjna prybytkovyja placoŭki pad zabudovu ŭ Minsku.
Ciapier čytajuć
Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond17
Kamientary