Hramadstva

Žychary rajcentra ŭ Viciebskaj vobłaści hadami skardziacca na drennuju vadu

Hatavać ža na takoj vadzie zusim niemahčyma i niebiaśpiečna.

U redakcyju Tochka.by źviarnułasia žycharka horada Haradok Viciebskaj vobłaści Maryna. Jana skardzicca, što z krana ŭ jaje rehularna ciače vada ahidnaj jakaści, a miascovyja słužby nie mohuć vyrašyć prablemu ŭžo niekalki hadoŭ.

Haračaja vada z krana ŭ kvatery Maryny — koleru kavy. Siamja kaža, što jany navat nie mohuć narmalna pamycca. Hatavać ža na takoj vadzie zusim niemahčyma i niebiaśpiečna.

«U nas usia vulica Haharyna tak žyvie. Ludzi pišuć u 115, źviartajucca ŭ ŽES, u vodakanał. Atrymlivajem tolki adpiski, što naša vada naležnaj jakaści. Ale vy sami pahladzicie», — skardzicca žančyna. Jana kaža, što z «chałodnaha» krana vada ciače krychu lepš. Ale ŭsio roŭna šeraja.

«Bačycie, navat va ŭnitazie vada mutnaja. Filtry pastajanna zabivajucca, santechnika łamajecca. Voś zaraz niekalki dzion vada takaja. Mycca joj nielha, hatavać — tym bolš», — kaža Maryna. Paśla zvarotaŭ u kamunalnyja słužby, adznačaje žančyna, prablema na niekalki dzion vyrašajecca. Ale potym usio paŭtarajecca pa kruzie.

«Zajaŭki tolki prymajuć, užo navat ich nie zakryvajuć. Prychodziać, niešta padkručvajuć i kažuć, što vada ŭ nas dobraja. Ale hetaha chapaje tolki na paru dzion, a potym — znoŭ brud z krana», — narakaje žančyna.

Što z vadoj u Haradku?

Pa kamientar Tochka.by źviarnułasia ŭ «Viciebskabłvodakanał». Tam adznačyli, što pra prablemy z vadoj u rajonie vulicy Haharyna im viadoma. I kab zabiaśpiečyć haradžan vadoj naležnaj jakaści, užo prystupili da rekanstrukcyi stancyi abiezžalezvańnia ŭ vioscy Suroŭni Haradockaha rajona, adkul padajecca vada.

Zaraz śpiecyjalisty pravodziać rehularny manitorynh jakaści pitnoj vady ŭ hetym rajonie.

Jak tolki skončacca raboty pa rekanstrukcyi stancyi abiezžalezvańnia, budzie praviedziena pramyŭka centralnaj sietki vodazabieśpiačeńnia.

«Dadatkova paviedamlajem, što žychary vuł. Haharyna ŭ horadzie Haradok źviartalisia ŭ «Viciebskabłvodakanał» pa pytańni jakaści padavanaj vady. Dadzienaje pytańnie znachodzicca na kantroli», — adznačyli na pradpryjemstvie.

Akramia taho, tam zapeŭnili, što žycharam prablemnaha mikrarajona pamienšany pamier płaty za kamunalnyja pasłuhi chałodnaha vodazabieśpiačeńnia za toj pieryjad, kali vyjavilisia niedachopy ŭ padačy vady.

Kamientary

Ciapier čytajuć

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond17

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond

Usie naviny →
Usie naviny

«Prosta im nie spadabałasia jaje karcina». Stali viadomyja padrabiaznaści zatrymańnia mastački Ludmiły Ščamialovaj2

U Minsku pradajuć mikrakvateru ŭ 18 kvadrataŭ. Startavaja cana — 19 500 dalaraŭ

Hraŭcoŭ kupiŭ «Ekonomičieskuju hazietu»

Pradprymalnika ź Minska adpravili ŭ kałoniju pa čatyroch palityčnych artykułach

Bojfrend Aryny Sabalenki staŭ saŭładalnikam francuzskaha futbolnaha kłuba3

Šaścihadovy syn hałkipiera «Bavaryi» pamior paśla praciahłaj chvaroby

Palitviazień raskazaŭ, jak zvyčajnyja kryminalniki abjavili haładoŭku, kab palepšyć umovy ŭtrymańnia palityčnych5

Dadaŭ cyjanid u prateinavy napoj. Stamatołah atruciŭ žonku, a zatym sprabavaŭ zabić śledčaha3

Masiravanaja ataka BPŁA na Rasiju: pažary na naftazavodach, radyjozavodzie i vybuchi kala vajskovaha aeradroma6

bolš čytanych navin
bolš łajkanych navin

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond17

Lehiendarnaja žurnalistka Luboŭ Łuniova raskazała pra Viktara Łukašenku i adnakurśnikaŭ, stvareńnie «Viasny» i palityčny bamond

Hałoŭnaje
Usie naviny →

Zaŭvaha:

 

 

 

 

Zakryć Paviedamić