Lasnyja pažary sioleta źniščyli ŭ Jeŭropie terytoryju pamieram ź Luksiemburh
U Jeŭropie sioleta pryrodnyja pažary achapili terytoryju pamieram ź Luksiemburh — bolš za 230 tysiač hiektaraŭ vyhareła z pačatku hoda. Heta na 119% bolš, čym u siarednim byvaje ŭ hety čas, paviedamlaje Euronews.
Pryčyna pažaraŭ — śpioka, zasucha i klimatyčnyja źmieny, adznačajuć ekśpierty. Pavodle danych Jeŭrapiejskaj sistemy infarmacyi pra pažary ŭ lasach (EFFIS), jany vymušajuć dziasiatki tysiač ludziej evakujavacca, užo jość jak minimum try zahinułyja — naprykład, u Turcyi. Pažary vyklikali chaos na hrečaskim Krycie i ŭ francuzskim Marseli.
Navukoviec Sara Karter z arhanizacyi Global Forest Watch kaža, što klimat źmianiajecca: letni siezon padaŭžajecca, nadvorje stanovicca sušejšym i haračejšym, a les — bolš uraźlivym da ahniu. Da taho ž haspadarańnie ŭ lasach nie zaŭsiody efiektyŭnaje — šmat dzie vyroščvajuć haručyja vidy dreŭ, naprykład, eŭkalipty.
Pa stanie na 15 lipienia ŭ Jeŭropie zafiksavana 1230 pažaraŭ — amal u try razy bolš, čym zvyčajna. Asabliva mocnyja pažary adbyvalisia ŭ lutym i sakaviku ŭ Zachodniaj i Centralnaj Jeŭropie, dzie byli suchija i ciopłyja ŭmovy.
Asobna adznačajecca situacyja ŭ Rumynii, dzie ŭžo zhareła 123 000 hiektaraŭ, choć zvyčajna heta kala 23 000 hiektaraŭ za hod. Heta samy vysoki pakazčyk siarod krain Jeŭropy ŭ 2025 hodzie.
U Turcyi i Hrecyi taksama adznačajucca vialikija straty lasoŭ, a ŭ Vialikabrytanii — najvyšejšyja za 22 hady vykidy vuhlarodu, asabliva paśla pažaraŭ u Šatłandyi.
Pa słovach ekśpiertaŭ, spraŭlacca z pažarami ŭ niekatorych rehijonach stanovicca amal niemahčyma: spałučeńnie śpioki, zasuchi i vietru robić tušeńnie nieefiektyŭnym. Tamu vialikaje značeńnie majuć sistemy rańniaha papiaredžańnia, kab ludzi mahli svoječasova evakujavacca.
Śpiecyjalisty zaklikajuć ludziej, asabliva turystaŭ, być uvažlivymi i hatovymi da ryzyki, źviazanaj z pažarami — strata žylla, paharšeńnie jakaści pavietra, niebiaśpieka dla žyćcia.
U nacyjanalnym parku Katałonii bušuje mocny pažar
Horača, jak u piekle. Jak Jeŭropa pieražyła adzin z samych haračych miesiacaŭ za ŭsiu historyju nazirańniaŭ
Vialiki lasny pažar u Stolinskim rajonie — tušać ź viertalota
Unačy na pažary ŭ lesie ŭ Voranaŭskim rajonie malilisia ksiondz, viaskoŭcy i błohier
«Žorstkaść pad vyhladam dabračynnaści». U Aŭstralii ź viertalota rasstralali da 700 kaał
Ciapier čytajuć
Kaardynatara pošukavaha atrada «Anioł» pasadzili za palityku2
Kamientary