«Žorstkaść pad vyhladam dabračynnaści». U Aŭstralii ź viertalota rasstralali da 700 kaał
U adnym z nacyjanalnych parkaŭ Aŭstralii na zahad urada zastrelili kala 700 kaał. Takim čynam ułady sprabavali spynić pakuty žyvioł, jakija atrymali apioki i ranieńni ŭ vyniku lasnych pažaraŭ. Ale zamiest udziačnaści ŭrad sutyknuŭsia z krytykaj zoaabaroncaŭ, paviedamlaje The Independent.
Apieracyja pa adstrele kaał startavała ŭ pačatku krasavika ŭ Nacyjanalnym parku Budž-Bim u štacie Viktoryja. Žyvioł rasstrelvali snajpiery ź viertalotaŭ.
Ułady patłumačyli, što takoje rašeńnie było vymušanym. Paśla lasnych pažaraŭ častka papulacyi kaał u nacparku istotna paciarpieła: žyvioły byli źniasilenyja, abiazvodžanyja, a taksama mieli traŭmy.
Rašeńnie, adnak, aburyła abaroncaŭ dzikaj pryrody. Zoaabaroncy adznačajuć, što z vyšyni 30 mietraŭ, na jakoj lotali viertaloty, niemahčyma vyznačyć stan zdaroŭja kaały. Praz heta pad ahoń mahli trapić i zdarovyja asobiny.
«Heta pieršy padobny vypadak u Aŭstralii, jaki stvaraje niepryjemny etyčny precedent», — havorycca ŭ publikacyi arhanizacyi abarony pravoŭ žyvioł Friends of the Earth Melbourne.
Zoaabaroncy zaklikajuć urad razhledzieć inšyja sposaby dziejańniaŭ u takich vypadkach, a taksama pierastać vysiakać eŭkaliptavyja drevy, na jakich žyvuć kaały.
«Pryznańnie hetych zabojstvaŭ narmalizuje žorstkaść pad vyhladam dabračynnaści», — havorycca ŭ zajavie jašče adnoj arhanizacyi Koala Alliance.
Usiaho ŭ troch štatach Aŭstralii kaały pieraličanyja jak vidy, jakija źnikajuć. Pierš za ŭsio heta źviazana z pamianšeńniem płoščaŭ eŭkaliptavych lasoŭ. Ich stanovicca mienš z-za lesanarychtovak, pašyreńnia płantacyj i lasnych pažaraŭ.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA48
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary