Unačy na pažary ŭ lesie ŭ Voranaŭskim rajonie malilisia ksiondz, viaskoŭcy i błohier
Uviečary 30 krasavika da siaredziny nočy 1 maja ŭ Voranaŭskim rajonie Hrodzienskaj vobłaści, na miažy ź Litvoj, tušyli vialiki lasny pažar, piša katolik.life.
Pach dymu adčuvaŭsia navat u Lidzie, dzie žyvie papularny błohier Aleh Hryško, viadomy jak «Pan Usialan».
Jon vypraviŭsia ŭ rodny Voranaŭski rajon, kab razam sa śviatarom i miascovymi viernikami malicca na miescy pažaru, i pakazaŭ, jak usio adbyvałasia. Pavodle infarmacyi MNS, hareli dziasiatki hiektaraŭ lesu, ahoń tušyli ŭ tym liku ź viertalota.
Vikaryj parafii ŭ Raduni ksiondz Vital Valuk na svajoj staroncy paviedamiŭ, što «razam z žycharami viosak Karhaŭdy i Piencianiški, pobač z połymiem, malilisia praz zastupnictva śviatoj Ahaty ab spynieńni pažaru i za supracoŭnikaŭ MNS».
Ranicaj 1 maja na staroncy prychodu ŭ Raduni źjaviłasia paviedamleńnie: «Malilisia ab spynieńni strašnaj stychii pažaru na terytoryi našaha prychodu. U duchu adzinstva i ŭzajemadapamohi miascovyja žychary i supracoŭniki MNS pieramahli ahoń».
Aleh Hryško taksama paviedamiŭ kala 3 hadzin nočy, što pažar udałosia patušyć.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary