Ceny na kavu i apielsinavy sok u ZŠA ŭźlaciać da niabiosaŭ z-za mytaŭ
ZŠA — kraina z samym vysokim spažyvańniem kavy ŭ śviecie — i prykładna tracina hetaj kavy nadychodzić z Brazilii.
Kali prezident Donald Tramp z 1 žniŭnia ŭviadzie, jak jon źbirajecca, pošliny ŭ 50% na impart z Brazilii, to ceny na kavu i apielsinavy sok mohuć rezka vyraści, piša Bild.
ZŠA — kraina z samym vysokim spažyvańniem kavy ŭ śviecie — i prykładna treć hetaj kavy pastupaje z Brazilii. Pavodle dadzienych brazilskaj ekspartnaj asacyjacyi Cecafe, u 2024 hodzie brazilskija vytvorcy pastavili ŭ ZŠA kala 8,14 miljona 60-kiłahramovych miaškoŭ kavy. Adnak pošliny zrobiać padobnyja pastaŭki niavyhadnymi.
Brazilski vytvorca Paułu Armielin, jaki pastaŭlaje kavu amierykanskim absmažvalnikam, pryznajecca, što spravy i biez taho iduć ciažka: «Užo ciapier pieramovy [z klijentami] iduć składana — paśla rostu cen na kavu na 70 pracentaŭ za minuły hod. Kali ciapier dadasca jašče i 50-pracentnaja pošlina, nam daviadziecca šukać inšyja rynki — mahčyma, Hiermaniju».
Akramia kavy, pradmietam raskošy moža stać i apielsinavy sok: bolš za pałovu apielsinavaha soku, jaki pradajecca ŭ ZŠA, pastupaje z Brazilii.
Mohuć taksama prykmietna padaražeć cukar, vyraby z draŭniny i nafta z Paŭdniovaj Amieryki.
Ekśpierty papiaredžvajuć, što, u adroźnieńnie ad mnohich inšych, heta budzie pošlina, jakaja chutka i naŭprost zakranie paŭsiadzionnaść spažyŭcoŭ — u ich stanie mienš kavy, soku i hrošaj. Brazilskim pastaŭščykam ža daviadziecca šukać i pieraaryjentavacca na inšyja rynki, što naniasie doŭhaterminovuju škodu handlovym adnosinam Brazilii i ZŠA.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary
Mabyć ŭ ich taksama ščyrujuć vypuskniki hora-horackaj razam z akademikami kiravańnia.
Treba ž ludziam rankam siabie stymuliravać, dyk čamu nie stymuliravać jašče amierykanskuju ekanomiku — niachaj pjuć Monster zamiest kavy.
Kuplajcie amierykanskaje.