Na vajnie va Ukrainie zahinuŭ były dyrektar dvuch aršanskich zavodaŭ
Były dyrektar dvuch aršanskich zavodaŭ Uładzimir Troicki zahinuŭ na vajnie va Ukrainie. Jaho historyja atrymała šyroki rozhałas jašče ŭ 2018 hodzie, kali jaho asudzili na 4 hady kałonii ŭzmocnienaha režymu z kanfiskacyjaj majomaści. Sud paličyŭ, što jon złoŭžyvaŭ słužbovymi paŭnamoctvami padčas budaŭnictva aeradroma ŭ 2011—2013 hadach, piša telehram-kanał «Vitiebsk, ja hulaju!»
Historyja Uładzimira Troickaha atrymała šyroki rozhałas u 2018 hodzie — tady byłoha dyrektara Aršanskaha avijaramontnaha zavoda (AARZ), jaki zajmaŭ hetuju pasadu ŭ 2007-2015 hadach, prysudzili da 4 hadoŭ kałonii ŭzmocnienaha režymu z kanfiskacyjaj majomaści. Abvinavačvańnie tyčyłasia złoŭžyvańnia słužbovymi paŭnamoctvami pry budaŭnictvie aeradroma ŭ 2011-2013 hadach.
Sam Troicki śćviardžaŭ, što staŭ achviaraj «zamovy» z boku ŭkrainskaha narodnaha deputata i hiendyrektara pradpryjemstva «Mator Sič» z Zaparožža Viačasłava Bahusłajeva — u tyja hady ŭkrainskaja kampanija nabyła 60% akcyj AARZ i płanavała inviestavać u pradpryjemstva, ale ździełka nieŭzabavie zastaparyłasia, a zatym jaje kančatkova pachavała vajna.
Cikava, što sam Bahusłajeŭ u 2022 hodzie byŭ aryštavany SBU pa abvinavačvańni ŭ kałabaracyjaniźmie, pazbaŭleny ŭsich dziaržaŭnych uznaharod i trapiŭ pad mižnarodnyja sankcyi.
Paśla zaviadzieńnia kryminalnaj spravy Troickaha źniali z pasady. U Oršy jon apynuŭsia ŭ izalacyi i, pavodle jaho ŭłasnaha pryznańnia, staŭ izhojem. Adnak u 2016 hodzie jaho jašče na niepraciahły čas pryznačyli dyrektaram Aršanskaha instrumientalnaha zavoda.
A ŭžo ŭ 2018 hodzie sud vynies prysud. Pa danych «Kibierpartyzan», pa stanie na 31 studzienia 2023 hoda Troicki ličyŭsia za filijałam «Vićba» dziaržpradpryjemstva «VK 12-VAŁ». Mahčyma, jon adbyvaŭ termin u VK-3 u Vićbie, a paźniej byŭ pracaŭładkavany na vytvorčaści paśla vyzvaleńnia.
Samaje dramatyčnaje ŭ hetaj historyi — jaje finał. Pavodle infarmacyi ŭkrainskaha prajekta «Chaču žyć», 1 vieraśnia 2023 hoda Uładzimir Troicki padpisaŭ kantrakt z rasijskaj armijaj, a ŭžo 5 listapada 2023 hoda zahinuŭ na vajnie va Ukrainie.
Cikava, što letam 2024 hoda Viciebski atrad PRA šukaŭ svajakoŭ mužčyny. Mahčyma, uvieś hety čas cieła Troickaha tak i zastavałasia niepachavanym.
Łukašenka pra Aršanski avijaramontny zavod: Heta dziaržpradpryjemstva ad siońnia
Ukrainskaja kampanija ŭkłała $20 miljonaŭ u aršanski zavod, jaki Łukašenka choča nacyjanalizavać
Ukrainski inviestar paćviardžaje sychod z aršanskaha zavoda, nacyjanalizavanaha ŭ Biełarusi
Aršanski avijaramontny zavod kančatkova staŭ dziaržaŭnym
Pradpryjemstva byłoha ŭłaśnika Aršanskaha avijazavoda finansavała «DNR»
Ciapier čytajuć
«Ja byŭ u takoj dupie, ale pahladzicie na mianie». Staŭki daviali biełarusa da dna — jon raskazvaje, jak vybraŭsia nazad2
Kamientary
Nie padkažacie, što tut dramatyčnaha? Čeł vyrašyŭ pajechać zabivać ukraincaŭ. Čeł atrymaŭ kulu ŭ łob.
Finał -- samaje fajnaje ŭ hetaj historyi. Tak maje być dla ŭsich, chto vyrašaje stać ludajedam.