На вайне ва Украіне загінуў былы дырэктар двух аршанскіх заводаў
Былы дырэктар двух аршанскіх заводаў Уладзімір Троіцкі загінуў на вайне ва Украіне. Яго гісторыя атрымала шырокі розгалас яшчэ ў 2018 годзе, калі яго асудзілі на 4 гады калоніі ўзмоцненага рэжыму з канфіскацыяй маёмасці. Суд палічыў, што ён злоўжываў службовымі паўнамоцтвамі падчас будаўніцтва аэрадрома ў 2011—2013 гадах, піша тэлеграм-канал «Витебск, я гуляю!»
Гісторыя Уладзіміра Троіцкага атрымала шырокі розгалас у 2018 годзе — тады былога дырэктара Аршанскага авіярамонтнага завода (ААРЗ), які займаў гэтую пасаду ў 2007-2015 гадах, прысудзілі да 4 гадоў калоніі ўзмоцненага рэжыму з канфіскацыяй маёмасці. Абвінавачванне тычылася злоўжывання службовымі паўнамоцтвамі пры будаўніцтве аэрадрома ў 2011-2013 гадах.
Сам Троіцкі сцвярджаў, што стаў ахвярай «замовы» з боку ўкраінскага народнага дэпутата і гендырэктара прадпрыемства «Матор Січ» з Запарожжа Вячаслава Багуслаева — у тыя гады ўкраінская кампанія набыла 60% акцый ААРЗ і планавала інвеставаць у прадпрыемства, але здзелка неўзабаве застапарылася, а затым яе канчаткова пахавала вайна.
Цікава, што сам Багуслаеў у 2022 годзе быў арыштаваны СБУ па абвінавачванні ў калабарацыянізме, пазбаўлены ўсіх дзяржаўных узнагарод і трапіў пад міжнародныя санкцыі.
Пасля завядзення крымінальнай справы Троіцкага знялі з пасады. У Оршы ён апынуўся ў ізаляцыі і, паводле яго ўласнага прызнання, стаў ізгоем. Аднак у 2016 годзе яго яшчэ на непрацяглы час прызначылі дырэктарам Аршанскага інструментальнага завода.
А ўжо ў 2018 годзе суд вынес прысуд. Па даных «Кіберпартызан», па стане на 31 студзеня 2023 года Троіцкі лічыўся за філіялам «Віцьба» дзяржпрадпрыемства «ВК 12-ВАЛ». Магчыма, ён адбываў тэрмін у ВК-3 у Віцьбе, а пазней быў працаўладкаваны на вытворчасці пасля вызвалення.
Самае драматычнае ў гэтай гісторыі — яе фінал. Паводле інфармацыі ўкраінскага праекта «Хачу жыць», 1 верасня 2023 года Уладзімір Троіцкі падпісаў кантракт з расійскай арміяй, а ўжо 5 лістапада 2023 года загінуў на вайне ва Украіне.
Цікава, што летам 2024 года Віцебскі атрад ПРА шукаў сваякоў мужчыны. Магчыма, увесь гэты час цела Троіцкага так і заставалася непахаваным.
Лукашэнка пра Аршанскі авіярамонтны завод: Гэта дзяржпрадпрыемства ад сёння
Украінская кампанія ўклала $20 мільёнаў у аршанскі завод, які Лукашэнка хоча нацыяналізаваць
Украінскі інвестар пацвярджае сыход з аршанскага завода, нацыяналізаванага ў Беларусі
Аршанскі авіярамонтны завод канчаткова стаў дзяржаўным
Прадпрыемства былога ўласніка Аршанскага авіязавода фінансавала «ДНР»
Польшча прызнала Аляксандра Машэнскага непажаданай асобай27
Каментары
Не падкажаце, што тут драматычнага? Чэл вырашыў паехаць забіваць украінцаў. Чэл атрымаў кулю ў лоб.
Фінал -- самае файнае ў гэтай гісторыі. Так мае быць для ўсіх, хто вырашае стаць людаедам.