Ukrainski inviestar paćviardžaje sychod z aršanskaha zavoda, nacyjanalizavanaha ŭ Biełarusi
Zaparoskaje pradpryjemstva «Motor Sič» raźličvaje, što na praciahu nastupnaha tydnia zmoža ŭzhadnić umovy pieradačy biełaruskaj dziaržavie svajho pakietu akcyj Aršanskaha avijaramontnaha zavodu, paviedamlaje Radyjo Svaboda.
«Viadoma, što prezydent Biełarusi Alaksandar Łukašenka byŭ na aršanskim zavodzie, zrabiŭ zajavu. Tak, my sapraŭdy adtul sychodzim, a detali buduć uzhodnienyja najbližejšym časam. Pa vynikach my abaviazkova painfarmujem», — paviedamiŭ Svabodzie dyrektar «Motor Sič» u pytańniach suviaziaŭ z hramadzkaściu Anatol Małyš.
U toj ža čas jon paźbiehnuŭ adkazu na pytańnie, ci praduhledžvajecca vypłata biełaruskim bokam kampensacyi za pieradaču ŭkrainskim investaram akcyj pradpryjemstva: «Na praciahu nastupnaha tydnia ŭsio budzie razhledžana».
Dahetul 60% akcyjaŭ zavodu naležała ŭkrainskaj kampanii «Motor Sič», a 40% — biełaruskaj kampanii «Systemy investycyjaŭ i inavacyjaŭ», jakoj vałodaje biełaruski biznesoviec Alaksandar Sadovy. Ale 11 lipienia Alaksandar Łukašenka zajaviŭ pra nacyjanalizacyju pradpryjemstva.
U čas vizytu na Aršanski avijaramontny zavod Łukašenka zajaviŭ, što «heta dziaržaŭnaje pradpryjemstva ad siońniašniaha dnia», bo «ŭłaśnikaŭ tut užo niama».
Jon padpisaŭ daručeńnie ab «adnaŭleńni efektyŭnaj pracy» Aršanskaha avijaramontnaha zavodu, ale pakul jano nie apublikavanaje — jak budzie adbyvacca nacyjanalizacyja, nieviadoma.
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej3
Kamientary