Što viadoma pra sietku koł-centraŭ, jakija ŭciuchvali biełaruskim piensijanieram bijadabaŭki
U červieni Śledčy kamitet paviedamiŭ pra zatrymańnie 56 supracoŭnikaŭ koł-centraŭ, jakija padmanam pradavali BADy. Ciapier u efiry ANT raskazali, chto za hetym stajaŭ.
Zatrymańni byli ŭ koł-centrach u Minsku, Baranavičach, Babrujsku i Barysavie.
Aficyjna preparaty z Ałtaja, jakija tam pradavali, prachodzili jak charčovaja pradukcyja ci bijałahičnaja dabaŭka. U niekatorych preparatach znachodzilisia lekavyja srodki i raśliny, jakija zabaronieny ŭ bijadabaŭkach. A ŭ niekatorych travy zamianili zvyčajnym kruchmałam.
Ludzi vialisia na rekłamu na sajtach i ŭ brašurach. Adna piensijanierka raskazvaje, što pavieryła ŭ fejkavuju rekłamu, dzie była Roza Sabitava, viadučaja rasijskaha telešou «Davaj paženimsia».
Pry zatrymańni supracoŭnikaŭ koł-centraŭ na ich stałach znajšli šparhałki na roznyja pytańni i skarhi pakupnikoŭ — naprykład, kali kažuć, što doraha.
Arhanizataram sietki byŭ hramadzianin Rasii. Raniej jon byŭ sudzimy ŭ Rasii za narkotyki. Mierkavana, heta toj ža mužčyna, jaki 11 hadoŭ tamu ŭžo pradavaŭ u Biełarusi leki-pustyški pad markaj «Ałtajski znachar».
Śledčy kamitet paviedamlaŭ, što sietku ašukanskich koł-centraŭ zapuścili jašče ŭ 2021 hodzie. Šaści najbolš aktyŭnym udzielnikam złačynnaj schiemy vystavili abvinavačvańnie pa č. 4 art. 209 (machlarstva, ździejśnienaje arhanizavanaj hrupaj) Kryminalnaha kodeksa Respubliki Biełaruś. Ich uziali pad vartu. Astatnija pryznanyja padazravanymi.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary