Zatrymali 56 supracoŭnikaŭ koł-centraŭ, jakija padmanam pradavali BADy
Kansultanty vykarystoŭvali mietady psichałahičnaha ŭździejańnia, z dapamohaj jakich ŭvodzili ŭ zman pakupnikoŭ i pierakonvali ich u nieabchodnaści pryjomu «lekaŭ».
Śledčym upraŭleńniem pa Minsku sumiesna z apieratyŭnikami HUBAZiKa spyniena dziejnaść kiraŭnikoŭ i ŭdzielnikaŭ koł-centraŭ, jakija realizoŭvali charčovuju pradukcyju pad vyhladam miedycynskich preparataŭ i BADaŭ, paviedamlaje SK.
«U 2021 hodzie zamiežny hramadzianin zapuściŭ piać ašukanskich koł-centraŭ i internet-kram, metanakiravana ŭvodziačy ŭ zman pakupnikoŭ. Fihuranty stvarali malaŭničyja sajty, napoŭnienyja iłžyvymi vodhukami i padroblenymi miedycynskimi rekamiendacyjami. Dla nadańnia davieru vykarystoŭvali dziaržaŭnyja simvały našaj krainy i krasamoŭnyja farmuloŭki «sacyjalnaja źnižka», «kvota Ministerstva achovy zdaroŭja Biełarusi», a taksama inšyja niedakładnyja danyja», — adznačyŭ načalnik adździeła pa rasśledavańni złačynstvaŭ suprać infarmacyjnaj biaśpieki i niezakonnaha abarotu narkotykaŭ śledčaha ŭpraŭleńnia pa Minsku Maksim Dziehciaroŭ.
U roznych rehijonach krainy zatrymana 56 čałaviek, uklučajučy arhanizataraŭ schiemy, buchhałtaraŭ, biznes-trenieraŭ i mieniedžaraŭ.
Šaści najbolš aktyŭnym udzielnikam złačynnaj schiemy pradjaŭlena abvinavačvańnie pa č. 4 art.209 (machlarstva, ździejśnienaje arhanizavanaj hrupaj) Kryminalnaha kodeksa Respubliki Biełaruś. Z sankcyi prakurora da ich prymieniena miera strymańnia ŭ vyhladzie zaklučeńnia pad vartu.
Astatnija pryznanyja padazravanymi.
Śledčymi praviedzieny pieratrusy ŭ ofisach i pamiaškańniach, źviazanych ź dziejnaściu koł-centraŭ, kanfiskavanyja dakumienty, jakija paćviardžajuć niezakonnyja apieracyi, a taksama ŭzory pradukcyi, jakaja realizujecca, dapytanyja bolš za sotniu ŭdzielnikaŭ kryminalnaha pracesu, pryznačanyja ekśpiertnyja daśledavańni. Nakładzieny aryšt na majomaść fihurantaŭ i padkantrolnych im jurydyčnych asob na ahulnuju sumu bolš za miljon rubloŭ.
Mieniedžary atrymlivali častku zarpłaty aficyjna, astatniaje ŭ kanviertach. Isnavali strohija praviły: kali kansultant stračvaŭ klijenta abo pradavaŭ niedastatkova pradukcyi, jon karaŭsia štrafam.
«Siarod kansultantaŭ byli jak znajomyja kiraŭnikoŭ złačynnaha startapa, tak i vypadkovyja ludzi. Hramadzianie znachodzili vakansii na ahulnadastupnym papularnym sajcie i prychodzili na sumoŭje. Razam z tym, paśla aznajamleńnia z umovami «pracy» jany nie admaŭlalisia ad takoha pracaŭładkavańnia i zastavalisia zarablać svaje pracenty na zdaroŭi suajčyńnikaŭ», — adznačyŭ Maksim Dziehciaroŭ.
Prapanoŭvałasia lačeńnie amal usich chvarob ad artrytu da paražeńnia piečani, a ŭ vypadku, kali efiektu nie nazirałasia, u mieniedžaraŭ ŭžo było hatova inšaja prapanova, viadoma ž, trochi daražej.
Kamientary
[Zredahavana]