Hramadstva

Biełarus idzie pieššu na futboł z Varšavy ŭ Čarnahoryju

Biełarus Vasil Mikałajeŭ, jaki žyvie ŭ Varšavie, vyrašyŭ pieššu dajści da Čarnahoryi, dzie ŭ ramkach Lihi kanfierencyj 10 lipienia adbudziecca matč bresckaha «Dynama». Supiernikam biełaruskaj kamandy stanie miascovy kłub «Sućjeska» z horada Nikšyč, piša Most.

Vasil Mikałajeŭ. Fota: Instagram vasili.nikalayeu.official

Da miesca matču Vasilu treba budzie pieraadoleć kala 1600 kiłamietraŭ. Startavaŭ jon 19 červienia i płanuje prachodzić pa 50 kiłamietraŭ za sutki.

Častka maršrutu budzie ź pierapynkami — da 2 lipienia jon choča dajści da Budapiešta (500 kiłamietraŭ), adtul źlotać u Varšavu na miedycynskuju praceduru, a zatym viarnucca i praciahnuć šlach praz Zahrab da finalnaha punkta — Nikšyča. Apošni ŭčastak ad charvackaj stalicy da Čarnahoryi Vasil płanuje prajechać na aŭtobusie.

«Chaču prajści prykładna paŭdarohi. Kali jość meta, ja nie baču pieraškod. Siła maja ŭ tym, što ja mahu chadzić», — kaža jon.

Vasil viadomy siarod fanataŭ jak Vasia Piešachod. Da 2020 hoda jon ździejśniŭ piać «załatych siezonaŭ» — pabyvaŭ na ŭsich matčach svajoj kamandy, uklučajučy vyjaznyja. Pryčym biez aŭtastopu i hrošaj: jon dabiraŭsia pieššu, načujučy ŭ lesie.

Heta nie pieršaja jahonaja futbolnaja piešaja Adysieja. U 2014 hodzie mužčyna prajšoŭ amal 500 kiłamietraŭ ad Bresta da Navapołacka.

Futboł, pa jaho słovach, vyratavaŭ jaho ad turmy, a daroha — ad śmierci. U Vasila dyjahnastavanaja apłastyčnaja aniemija — ciažkaje zachvorvańnie kryviatvornaj sistemy. Z 2021 hoda jon žyvie ŭ Varšavie, kudy byŭ vymušany źjechać praz palityčnuju situacyju ŭ Biełarusi.

Padčas hetaha pachodu Vasil taksama źbiraje srodki ŭ padtrymku USU. Jon viadzie strym na Twitch, dzie dzielicca ŭražańniami.

Kamientary

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

U jakija krainy dla biełarusaŭ najbolš darahija turystyčnyja vizy? Lidar niečakany2

Indyjskija daktary padčas padrychtoŭki pacyjentki da apieracyi vyjavili novuju hrupu kryvi

U Japonii paśla ziemlatrusu na bierah vykinuła niekalkich kitoŭ VIDEA1

Na Kamsamolskim voziery ŭ Minsku kancentracyja naftapraduktaŭ bolšaja za dapuščalnuju ŭ 4,2 raza3

Ci možna pravasłaŭnamu dasyłać dykpiki? «Kali jana sama prosić»11

Na sklapieńniach chrama ŭ Muravancy źjavilisia raskoliny5

Tramp nakłaŭ 25% pošliny na Indyju4

Čamadanava raskazała, što kateharyčna nielha abmiarkoŭvać na kuchniach29

«Bolš hladzicie biełaruskaje telebačańnie». Čynoŭnik ź Miniusta adkazaŭ na zakłapočanaść umovami ŭtrymańnia palitviaźniaŭ8

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić