Achmataviec u Kurskaj vobłaści rasstralaŭ kramu z hranatamiota. Z-kanały zaklikali pakarać jaho, ale pozna
Uviečary ŭ paniadziełak, 9 červienia, u siecivie źjaviłasia videa, na jakim rasijski vajskoviec stralaje z ručnoha supraćtankavaha hranatamiota pa budynku ŭ Sudžy Kurskaj vobłaści. Jak vyśvietliła «Ahienctva», heta adbyłosia paśla taho, jak ukraincy pakinuli horad. Incydent vyklikaŭ chvalu krytyki navat u z-asiarodździ.
Na raspaŭsiudžanym videa mužčyna ŭ vajennaj formie z našyŭkaj «VK» (vajskovaja kamiendatura) celicca ŭ dvuchpaviarchovy budynak, robić streł, a zatym z uśmieškaj paziruje na kamieru.
Pavodle analizu «Ahienctva», incydent adbyŭsia na vulicy Karła Marksa ŭ Sudžy.
Z-błoh «Romanov Łajt» paznačyŭ mužčynu jak «supracoŭnika kamiendatury», udakładniŭšy, što videa było źniataje ŭ červieni.
Budynak, jaki trapiŭ pad udar, raniej naležaŭ pradprymalniku Jahoru Tałmačovu i funkcyjanavaŭ jak mahazin voknaŭ i dźviarej. Pradprymalnik admoviŭsia ad kamientaroŭ.
Ale niekatoryja błohiery paličyli, što mišeńniu była nie krama, a carkva, u bok jakoj stralaŭ vajskoviec.
Dziejańni vajskoŭca vyklikali rezkuju reakcyju ŭ rasijskich vajenkaraŭ. «Trynaccaty», jaki adnym ź pieršych apublikavaŭ videa, nazvaŭ vajskoŭca z RPH «u**kom». A telehram-kanał «Vajavoda viaščaje» naŭprost źviarnuŭsia da kiraŭnika Kurskaj vobłaści Alaksandra Chinštejna, zaklikajučy da dziejańniaŭ.
Prykładna praz try hadziny hubiernatar Chinštejn adreahavaŭ na videa, zajaviŭšy, što na im — małodšy siaržant 158-j vajskovaj kamiendatury.
Chinštejn dadaŭ, što vajskoviec «za svaje dziejańni adkaža na inšym sudzie», bo ŭ pačatku červienia «małodšy siaržant zahinuŭ u DTZ, uciakajučy ad pieraśledu Dziaržaŭtainśpiekcyi».
U siecivie taksama źjaviłasia videa ź miesta žudasnaha DTZ.
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary
Cierkviam nie miesto na našiej ziemle!Ałłach Akbar!