Śviet44

Izrail pierachapiŭ sudna z Hretaj Tunbierh, jakoje išło ŭ Hazu

Izrailskija vajskoŭcy padnialisia na bort sudna Madleen z humanitarnaj dapamohaj, jakoje išło ź Jehipta i nakiroŭvałasia ŭ siektar Haza, paviedamili aktyvisty. Na borcie znachodzicca ekaaktyvistka Hreta Tunbierh.

Izrailskija ŭłady, jakija raniej papiaredzili, što nie dapuściać taho, kab sudna dasiahnuła bierahoŭ ankłava, nazvali jaho «sełfi-jachtaj», piša Bi-bi-si.

«Sełfi-jachta znakamitaściaŭ» paśpiachova nakiroŭvajecca da bierahoŭ Izraila. Čakajecca, što pasažyry viernucca ŭ svaje rodnyja krainy», — zajavili ŭ MZS.

«U toj čas jak Hreta i inšyja sprabavali ŭstroić miedyjnuju pravakacyju, adzinaj metaj jakoj było pryciahnieńnie ŭvahi hramadskaści, i jakaja ŭklučała mienš za adzin hruzavik humanitarnaj dapamohi, za apošnija dva tydni ŭ Hazu ź Izraila prybyło bolš za 1200 hruzavikoŭ z humanitarnaj dapamohaj. Akramia taho, Humanitarny fond Hazy razdaŭ kala 11 miljonaŭ porcyj ježy niepasredna mirnym žycharam u Hazie», — havorycca ŭ paviedamleńni ministerstva.

«Jość sposaby dastaŭki humanitarnaj dapamohi ŭ siektar Haza, jakija nie ŭklučajuć sełfi ŭ instahramie», — dadali ŭ viedamstvie i paabiacali pieradać «niaznačnuju kolkaść humanitarnaj dapamohi» z sudna aktyvistaŭ u Hazu pa humanitarnych kanałach.

«Suviaź z Madleen zhublena», — raniej paviedamiła ŭ telehram-kanale «Fłatylija svabody».

Arhanizacyja taksama vykłała fota, na jakim ludzi ŭ vyratavalnych kamizelkach siadziać z padniatymi rukami.

U niadzielu ministr abarony Izraila pryhraziŭ «pryniać usie nieabchodnyja miery», kab nie dapuścić sudna da bierahoŭ Hazy.

Razam z 22-hadovaj Tunbierh na borcie sudna Madleen, jakoje vyjšła ź Sicylii, znachodziacca jašče adzinaccać aktyvistaŭ. Jany źbiralisia prarvać marskuju błakadu Hazy, uviedzienuju Izrailem, i dastavić u ankłaŭ humanitarnuju dapamohu. U dopisie ŭ X ministr abarony Izraila Israel Kac zajaviŭ, što daŭ ukazańnie Armii abarony Izraila nie dapuścić sudna da bieraha i pryniać dla hetaha «ŭsie nieabchodnyja miery».

Źviartajučysia da Tunbierh i inšych aktyvistaŭ, jon skazaŭ: «Vy pavinny viarnucca nazad, bo vy nie dasiahniecie Hazy. Ja daŭ ukazańnie Armii abarony Izraila dziejničać tak, kab fłatylija Madleen nie dasiahnuła bierahoŭ Hazy, i pryniać dla hetaha ŭsie nieabchodnyja miery».

«Antysiemitcy Hrecie i jaje sajuźnikam, prapahandystam CHAMAS, ja jasna kažu: vam varta viarnucca nazad, bo vy nie dasiahniecie Hazy. Izrail budzie dziejničać suprać lubych sprob prarvać błakadu ci akazać dapamohu terarystyčnym arhanizacyjam — na mory, u pavietry i na sušy».

Aktyvistka Hreta Tunberh na zachoplenym izrailskimi vajskoŭcami sudnie. Fota: Israel Foreign Ministry / X

U adkaz na zajavu Kaca «Fłatylija svabody» nazvała jaje «jašče adnym prykładam pahrozy Izraila niezakonnym vykarystańniem siły suprać mirnych žycharoŭ i sprobaj apraŭdać hetaje hvałt paklopnickimi zajavami».

«My nie paddadzimsia zapałochvańniu, — havorycca ŭ zajavie. — Śviet sočyć za nami. I nijakaja sijanisckaja prapahanda nie zmoža schavać praŭdu: Izrail ažyćciaŭlaje hienacydnuju błakadu z dapamohaj hrubaj vajennaj siły, adkryta parušajučy mižnarodnaje prava i asnoŭnyja normy čałaviečaj prystojnaści».

Na borcie sudna, jakim kiruje kaalicyja «Fłatylija svabody», taksama znachodzicca Ryma Chasan, francuzski člen Jeŭraparłamienta paleścinskaha pachodžańnia. Jaje ŭjezd u Izrail zabaronieny z-za jaje apazicyi palitycy Izraila ŭ dačynieńni da paleścincaŭ.

U dopisie ŭ sacsietcy X jana napisała: «U nas zastałosia mienš za 24 hadziny da taho, jak my budziem niezakonna zatrymanyja izrailskimi ŭładami, jakija chočuć pieraškodzić nam dabracca da siektara Haza. Kali my bolš nie zmožam vychodzić na suviaź, ja raźličvaju na toje, što vy praciahniecie mabilizacyju, jakaja była dla nas tak važnaja na praciahu ŭsiaho hetaha padarožža».

Papiaredniaja sproba «Fłatylii svabody» dabracca da Hazy pa mory ŭ mai skončyłasia niaŭdačaj paśla taho, jak jašče adno sudna kaalicyi było atakavana dvuma bieśpiłotnikami padčas płavańnia ŭ mižnarodnych vodach kala bierahoŭ Malty, u vyniku čaho była paškodžana nasavaja častka sudna. Aktyvisty abvinavacili ŭ hetym Izrail.

Kamientary4

  • Biełarus
    09.06.2025
    A ŭ ŁDNR hetyja błazny nia chočuć spłavać? "Prarvać błakadu" dy spynić katavańni i hienacyd? Ci heta trochi inšaje i rašysckaja arda - heta zusim nia cyvilizavanaje vojska Izraila, a tamu jość jość realny šaniec nie napilić fotačak, a paŭtaryć žudasny los Viktoryi Roščynaj?
  • Kaniečnie
    09.06.2025
    Čyrvonyja Čaravički ,
    Jość što chavać.
    Jany tam desantujucca
    Nafotkajuć miertvieńkich dy skalečanych dzietak.
    A potym heta ŭsio vyjdzie na vokładkach i pieršych pałasach jeŭrapiejskich časopisaŭ.
    Budzie skandał jak z tym patanułym chłopčykam.
  • Cikava
    09.06.2025
    Jana jašče žyvaja, ja by na miescy izrailcianaŭ vyviez by jaje u jaki niebudź dziki isłamastan na tydzień. A tam joj by užo miascovyja vytłumačać chto jana i dzie miesca žančyny u hetaj cudoŭnaj relihii

Ciapier čytajuć

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha45

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Usie naviny →
Usie naviny

Nie zabudźcie ŭpryhožyć damy majem. Siońnia — Siomucha4

Ci lataje Cichanoŭskaja biznes-kłasam i jak ministr zamiežnych spraŭ Polščy padkinuŭ jaje na svaim samalocie8

Trahiedyja ŭ Bielhii: ukrainski padletak pryznaŭsia ŭ zabojstvie maci i 6-hadovaj siastry5

Nočču na Minsk i Minskuju vobłaść znoŭ abrynulisia zalevy i navalnicy1

«Ciapier Piatkievič — heta Hieorhij Žukaŭ Vialikaj Ajčynnaj». Łojka pra rolu čynoŭnicy12

Jak Tramp prajhraje ŭłasnuju handlovuju vajnu z usim śvietam7

Uščent pjanaja aŭtamabilistka najechała na viełasipiedystku i kinuła jaje pamirać7

Ci moža pasažyr ź vierchniaj palicy ŭ ciahniku prymusić čałavieka ź nižniaj padzialicca miescam? Nie ŭsio tak prosta2

Biez šłahbaŭma i pa pieradapłacie. Što źmienicca dla aŭtamabilistaŭ Biełarusi: novyja praviły płatnych parkovak

bolš čytanych navin
bolš łajkanych navin

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha45

«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić